पुणे : सावित्रीबाई फुले पुणे विद्यापीठातीलविद्यार्थी निवडणुकांचा बिगुल वाजलं आहे. विद्यापीठाकडून महाविद्यालयांमधील निवडणुकांचा कार्यक्रम जाहीर करण्यात आला असून दि. ७ सप्टेंबरला मतदान होणार आहे. तर त्याचदिवशी मतमोजणी होऊन निकाल घोषित केला जाईल. यानंतर विद्यापीठ विद्यार्थी परिषदेची निवडणुक होणार आहे. दि. २४ सप्टेंबर रोजी मतदान तर दि. २७ सप्टेंबर रोजी मतमोजणी व निकाल जाहीर करण्यात येणार आहे.मागील काही वर्षांपुर्वी बंद करण्यात आलेल्या विद्यार्थी निवडणुका यंदा पुन्हा होणार आहेत. विद्यापीठाच्या विद्यार्थी विकास मंडळाच्या संचालकांनी बुधवारी रात्री उशिया या निवडणुकांचे वेळापत्रक प्रसिध्द केले. त्यानुसार विद्यापीठाशी संलग्न महाविद्यालये, संस्था व विभागांमधील विद्यार्थी परिषदेच्या निवडणुकांची अधिसुचना दि. २१ ऑ गस्ट रोजी प्रसिध्द केली जाणार आहे. दि. २९ ऑगस्ट रोजी उमेदवारी अर्ज दाखल करणे, ५ सप्टेंबरला अर्ज माघारी घेणे आणि उमेदवारांची अंतिम यादी प्रसिध्द केली जाईल. त्यानंतर दि. ७ सप्टेंबर रोजी सर्व महाविद्यालयांमध्ये मतदान होईल. संबंधित महाविद्यालयांचे प्राचार्य सलग ४ तासांची मतदानाची वेळ निश्चित करतील. मतदानांतर महाविद्यालयातच मतमोजणी करून लगेच निकाल घोषित केला जाईल.महाविद्यालयांमधील निवडणुका झाल्यानंतर लगेच दि. ९ सप्टेंबरला विद्यापीठ विद्यार्थी परिषदेची निवडणुक अधिसुचना प्रसिध्द केली जाईल. दि. १४ व १५ सप्टेंबरला अर्ज दाखल करणे, दि. १९ व २० सप्टेंबरला अर्ज माघारी घेणे, दि. २४ सप्टेंबर मतदान तर दि. २७ सप्टेंबरला मतमोजणी व निकाल असा निवडणुक कार्यक्रम असेल. ही मतमोजणी विद्यापीठाच्या मुख्य इमारतीमध्ये होईल.
- महाविद्यालय विद्यार्थी परिषद निवडणुक वेळापत्रक
दि. २१ ऑगस्ट - निवडणुकीची अधिसुचना प्रसिध्द करणेदि. २३ ऑ गस्ट - मागासवर्ग प्रतिनिधी ठरविण्यासाठी आरक्षण सोडत आणि तुकडीनिहाय तात्पुरती मतदार यादी प्रसिध्द करणेदि. २६ ऑगस्ट - मतदार यादीवर लेखी आक्षेप नोंदवणेदि. २७ ऑगस्ट - अंतिम मतदार यादी प्रसिध्द करणेदि. २९ ऑगस्ट - उमेदवारी अर्ज दाखल करणेदि. ३१ ऑगस्ट - अर्ज छाननी करून वैध व अवैध अर्जांची यादी प्रसिध्द करणेदि. ३ सप्टेंबर - अर्ज वैधतेबाबत आक्षेप सादर करणेदि. ४ सप्टेंबर - आक्षेपाबाबत सुनावणी घेणे, अपीलानंतर अंतिम अजार्ची यादी प्रसिध्द करणेदि. ५ सप्टेंबर - अर्ज माघारी घेणे, उमेदवारांची अंतिम यादी प्रसिध्द करणेदि. ७ सप्टेंबर - मतदान, मतदानानंतर मतमोजणी व निकालदि. ९ ते २१ सप्टेंबर - उमेदवारांच्या खचार्चा हिशेब सादर करणे
- विद्यापीठ विद्यार्थी परिषद निवडणुक वेळापत्रक
दि. ९ सप्टेंबर - निवडणुकीची अधिसुचना प्रसिध्द करणे, तात्पुरती मतदार यादी प्रसिध्द करणेदि. ११ सप्टेंबर - मतदार यादीवर लेखी आक्षेप नोंदवणेदि. १३ सप्टेंबर - आक्षेपांवर निर्णय घेतल्यानंतर अंतिम मतदार यादी प्रसिध्द करणेदि. १४ व १५ सप्टेंबर - उमेदवारी अर्ज दाखल करणेदि. १६ सप्टेंबर - अर्जांची छाननी करून वैध व अवैध अर्जांची यादी प्रसिध्द करणेदि. १७ सप्टेंबर - अर्ज वैधतेबाबत आक्षेप सादर करणेदि. १८ सप्टेंबर - आक्षेपांवर निर्णय घेऊन वैध व अवैध अर्जाची यादी प्रसिध्द करणेदि. १९ व २० सप्टेंबर - अर्ज माघारी घेणेदि. २० सप्टेंबर - पात्र उमेदवारांची अंतिम यादी प्रसिध्द करणेदि. २४ सप्टेंबर - मतदानदि. २७ सप्टेंबर - मतमोजणी व निकालदि. २८ सप्टेंबर - एनएसएस/क्रीडा/एनसीसी/सांस्कृतिक यातील सदस्यांचे नामनिर्देशन करणेदि. ३० सप्टेंबर ते १२ ऑक्टोबर - उमेदवारांच्या खर्चाचा हिशेब सादर करणे