गराडे : बोपगाव (ता. पुरंदर) येथील जागृत देवस्थान श्रीक्षेत्र कानिफनाथ गडावर बिबट्याच्या वावरामुळे नागरिक व भाविक भक्तांमध्ये भीतीयुक्त वातावरण तयार झाले आहे. पुरंदर शिवसेना उपतालुकाप्रमुख तथा भिवरी गावचे माजी सरपंच संजय दिनकर कटके यांनी सांगितले की, आम्ही अभिषेकासाठी पहाटे श्रीक्षेत्र कानिफनाथ गडावर गेलो होतो.
पहाटेच्या सुमारास आम्हाला बिबट्याचे दर्शन झाले. बिबट्या हा हिंस्र प्राणी असल्यामुळे कानिफनाथ गड परिसरातील सर्व गावातील नागरिकांनी काळजी घ्यावी. वनविभागाने बिबट्याला पिंजरा लावून तातडीने पकडावे. श्रीक्षेत्र कानिफनाथ गडावरील नवनाथ देवस्थान पंचायत कमिटी अध्यक्ष माऊली फडतरे, उपाध्यक्ष दीपक फडतरे, सचिव जयवंत फडतरे यांनी बिबट्याचा ताबडतोब बंदोबस्त करावा यासाठी वनविभागाकडे लेखी पत्र दिले आहे.
श्रीक्षेत्र कानिफनाथ गड परिसर पुरंदर व हवेली तालुक्याच्या जंगल सीमेवरील आहे. बोपगाव व चांबळी गावचे गायरान क्षेत्रातील हा डोंगराळ भाग आहे. यामुळे या परिसरात पूर्वीपासून बिबट्याचा वावर असतो. बिबट्या कानिफनाथ गड परिसरात आल्याचे नवनाथ पंचायत कमिटी ट्रस्टने सांगितले आहे. वनविभागाच्या अधिकाऱ्यांनी परिसराची पाहणी केली आहे. त्या भागातील नागरिकांना सुरक्षितता बाळगण्याचे आवाहन केलेले आहे. बिबट्याचा पुढील वावर पाहून पिंजरा बसवण्याबाबत निर्णय घेणार असल्याचे पुरंदर तालुका वनविभाग अधिकारी सागर ढोले यांनी बोलताना सांगितले.
Web Summary : A leopard sighting near Kanifnath Gad has sparked fear among residents and devotees. Locals urge forest department to trap the leopard, as the temple trust has formally requested action. Forest officials are monitoring the situation and considering installing a cage.
Web Summary : कानिफनाथ गढ़ के पास तेंदुआ दिखने से निवासियों और भक्तों में डर है। स्थानीय लोगों ने वन विभाग से तेंदुए को पकड़ने का आग्रह किया है, मंदिर ट्रस्ट ने औपचारिक रूप से कार्रवाई का अनुरोध किया है। वन अधिकारी स्थिति की निगरानी कर रहे हैं और पिंजरा लगाने पर विचार कर रहे हैं।