पुणे - पुणे महापालिका निवडणुकीत अनेक प्रभागांत चुरशीच्या लढती पाहायला मिळाल्या. मात्र प्रभाग क्रमांक २३ (रविवार पेठ–नाना पेठ) मधील लढत शहरात सर्वाधिक चर्चेचा विषय ठरली. या प्रभागात थेट कुटूंबीक अशी राजकीय लढत रंगली होती. राष्ट्रवादी काँग्रेसच्या लक्ष्मी आंदेकर यांनी मोठ्या फरकाने विजय मिळवला, तर आयुष्य कोमकर हत्या प्रकरणातील तक्रारदार असलेल्या कल्याणी कोमकर यांना अत्यल्प मते मिळाली.मतमोजणी अंती लक्ष्मी आंदेकर यांना तब्बल १२,६३३ मते मिळाली, तर कल्याणी कोमकर यांना केवळ २८२ मते मिळाल्याचे स्पष्ट झाले. या निकालाने राजकीय वर्तुळात खळबळ उडाली असून, आंदेकर कुटुंबाचा या भागातील प्रभाव पुन्हा एकदा अधोरेखित झाला आहे.पुणे - पिंपरी चिंचवड महापालिका निकालाचे लाईव्ह अपडेटविशेष म्हणजे, लक्ष्मी आंदेकर आणि सोनाली आंदेकर या दोन्ही राष्ट्रवादी काँग्रेसच्या महिला उमेदवारांनी थेट तुरुंगातून निवडणूक लढवून विजय मिळवला आहे. गुन्हेगारी पार्श्वभूमी असलेल्या कुटुंबाला उमेदवारी दिल्याचा आरोप विरोधकांकडून करण्यात येत असून, राष्ट्रवादी काँग्रेसच्या निर्णयावर जोरदार टीका होत आहे.दरम्यान, निवडणुकीपूर्वी कल्याणी कोमकर यांनी उपमुख्यमंत्री अजित पवार यांना इशारा दिला होता. आंदेकर कुटुंबातील कोणालाही उमेदवारी दिल्यास आपण पक्ष कार्यालयासमोर आत्मदहन करणार असल्याचे त्यांनी जाहीरपणे सांगितले होते. मात्र प्रत्यक्ष निवडणुकीत मतदारांनी वेगळाच कौल दिल्याचे या निकालातून स्पष्ट झाले आहे.आयुष्य कोमकर हत्या प्रकरण ५ सप्टेंबर रोजी सायंकाळी नाना पेठेतील एका सोसायटीत आयुष्य कोमकर याच्यावर पिस्तुलातून गोळीबार करून हत्या करण्यात आली होती. या प्रकरणी आयुष्यची आई कल्याणी कोमकर यांनी समर्थ पोलिस ठाण्यात तक्रार दाखल केली होती. तपासाअंती बंडू आंदेकरसह १३ आरोपींवर मकोका अंतर्गत कारवाई करण्यात आली असून सर्व आरोपींना अटक करण्यात आली आहे. या गंभीर पार्श्वभूमीवर झालेली ही निवडणूक आणि त्याचा निकाल पुण्याच्या राजकारणात दीर्घकाळ चर्चेत राहण्याची शक्यता आहे
प्रभाग २३ - रविवार पेठ-नाना पेठ सातवी फेरी
अ)प्रदीप अवचिते (शिंदे गट) ५३५१अनिकेत कोठावळे (राष्ट्रवादी) ९१३०पल्लवी जावळे (भाजप) १४१७६डॉ.अमोल देवळेकर (काँग्रेस) ९४८१उमेश बागडे (आप) २७७नोटा : १७३०एकूण वैध मतदान ४०९०६विजयी - पल्लवी जवळे (भाजप)
ब)
सोनाली आंदेकर (राष्ट्रवादी) १३८०७विजया कद्रे (आप) ६८०प्रतिभा धंगेकर (शिंदे गट) १०५७९अनुराधा मंचे (भाजप) १०२८९निकीता मारटकर (शिवसेना उद्धव बाळासाहेब ठाकरे) ४५२९नोटा : १०२२विजयी- सोनाली आंदेकर (राष्ट्रवादी)
क)
लक्ष्मी आंदेकर (राष्ट्रवादी) १२६३३निलम करपे (काँग्रेस) ६३४६डॉ.वैष्णवी किराड (शिंदे गट) ६५८१ऋतूजा गडाळे (भाजप) १२४९३कल्याणी कोमकर २८२नोटा : ११०३विजयी - लक्ष्मी आंदेकर
ड)
प्रल्हाद गवळी (मनसे) ४१५३+५खान शहाबाज (राष्ट्रवादी) ९४९०+४विशाल धनवडे (भाजप) १६०१४+१गणेश नलावडे (शिंदे गट) ३२५७+१२अँड.शिवराज माळवदकर (राष्ट्रवादी काँग्रेस शप) १८७३+०३संजय मोरे (शिवसेना उद्धव बाळासाहेब ठाकरे) ३२२१+०४नोटा :
आघाडी - विशाल धनवडे (भाजप)
Web Summary : Lakshmi Andekar of NCP won by a large margin in Pune's Nana Peth. Kalyani Komkar, complainant in the Ayush Komkar murder case, received very few votes. The Andekar family's influence is highlighted.
Web Summary : राकांपा की लक्ष्मी आंदेकर ने पुणे के नाना पेठ में बड़े अंतर से जीत हासिल की। आयुष कोमकर हत्याकांड में शिकायतकर्ता कल्याणी कोमकर को बहुत कम वोट मिले। आंदेकर परिवार का प्रभाव उजागर हुआ।