पुणे : कोरोना वाढता प्रादुर्भाव पाहून सरकारने मुंबई, पुणे शहरासह अनेक ठिकाणी घराबाहेर पडताना मास्क बंधनकारक केले आहे़ परंतु हा आदेश न पाळणे एका वेल्डरला चांगलाच अंगाशी आला आहे़ पोलिसांनी त्याच्यावर गुन्हा दाखल करुन न्यायालयात हजर केले असता न्यायालयाने त्याला १ हजार रुपयांचा दंड ठोठावला आहे़
महेश शांताराम धुमाळ (वय ३१, रा़ नाना पेठ) असे या वेल्डरचे नाव आहे़ ते बंदी आदेश मोडून मास्क न लावता विनाकारण फिरताना आढळून आले़ त्यामुळे पोलीस हवालदार गणपतराव थिकोळे यांनी लष्कर पोलिसांकडे फिर्याद दिली़ त्यानुसार धुमाळ यांच्यावर गुन्हा दाखल केला़ न्यायालयाने त्यांना १ हजार रुपये दंडाची शिक्षा सुनावली.