मतमोजणीची तयारी, कार्यकर्त्यांची धाकधूक मात्र वाढली

तालुक्यातील ६२ ग्रामपंचायत निवडणुकीत २७३ मतदान केंद्रांची मतमोजणी १४ फेऱ्यांत होणार असल्याची माहिती शिरूरच्या तहसीलदार लैला शेख यांनी दिली आहे.

सोमवारी सकाळी दहा वाजता मतमोजणीस प्रारंभ होणार असून, यासाठी शिरूर कुकडी हॉल येथे ही मतदान मोजणी होणार आहे. यासाठी प्रशासनाच्या वतीने सर्व तयारी पूर्ण झाली असून एकावेळी २० टेबलांवर ही मतमोजणी होणार आहे.

पहिल्या फेरीमध्ये -केंदूर, कोरेगाव-भीमा, मिडगुलवाडी,

दुसरी फेरी - गोलेगाव ,वढू बुद्रुक, सणसवाडी, करंदी,

तिसरी फेरी - उरळगाव, शिंदोडी, मलठण, विठ्ठलवाडी चौथी फेरी- सविंदणे, चिंचोली मोराची, कवठे यमाई ,वरुडे, निमगाव भोगी पाचवी फेरी- कान्हुर मेसाई, पाबळ, धामारी.

सहावी फेरी - निमगाव दुडे, रावडेवाडी, चांडोह, वडनेर खुर्द, फाकटे, नागरगाव ,पिंपळसुटी

सातवी फेरी - गणेगाव दुमाला, बाभूळसर खुर्द, इनामगाव ,शिरसगाव काटा, गुनाट आठवी फेरी - न्हावरे, कोळगाव डोळस, निर्वी, आलेगाव पागा ,चिंचणी

नववी फेरी - निमगाव म्हाळुंगी, दहिवडी, जातेगाव बुद्रुक, जातेगाव खुर्द, कोंढापुरी दहावी फेरी - पारोडी, टाकळी भिमा, खंडाळे, वाघाळे, भांबर्डे, पिंपरी दुमाला ,खैरेवाडी

अकरावी फेरी - आंधळगाव,, कुरूळी वडगाव रासाई ,पिंपळे जगताप, दरेकरवाडी बारावी फेरी - गणेगाव खालसा, बुरुंजवाडी, बाभुळसर खुर्द, निमोने, कारेगाव, पिंपळे खालसा,

तेरावी फेरी - तळेगाव ढमढेरे ,मुखई

चौदावी फेरी - शिक्रापूर या प्रकारे फेरी निहाय मतमोजणी होणार आहे.

यासाठी प्रत्येक ग्रामपंचायत उमेदवार प्रतिनिधी यांनी वेळेत उभे रहावे असे आवाहन शिरूरच्या तहसीलदार लैला शेख व निवडणुक नायब तहशिलदार श्रीशैल वट्टे यांनी केले आहे.

चौकट गावचा गाव कारभारी निवडणाऱ्या या निवडणुकीतअनेकांनी मोठी लक्ष्मीकृपा मतदारावर केली असून, यामधून कोण बाजी मारणार यासाठी अनेक गावात कार्यकर्त्यांनी पैजाही लावण्यात आल्या आहेत .

बिनविरोध गावे

शिरूर तालुक्यामध्ये आमदाबाद, पिंपरखेड ,डिंग्रजवाडी ,आपटी वाडा पुनर्वसन ,मोटेवाडी सादलगाव, खैरेनगर , हिवरे या नऊ ग्रामपंचायती बिनविरोध झालेल्या आहेत.त्यांच्यावर कौतुकाचा वर्षाव होत आहे .