पुणे : इन्स्टाग्रामवर अल्पवयीन मुलीचा फोटो ठेवून त्यावर बायको, असे लिहिल्याने बदनामीच्या भीतीने एका शाळकरी मुलीने गळफास घेऊन आत्महत्या करण्याचा प्रयत्न केला. याप्रकरणी चतु:शृंगी पोलिसांनी एका तरुणाला अटक केली आहे. सागर कांबळे (वय १८, रा. डी. पी. रोड, औंध) असे या तरुणाचे नाव आहे.
याबाबत अल्पवयीन मुलीच्या वडिलांनी चतु:शृंगी पोलिस ठाण्यात फिर्याद दिली आहे. आरोपी कांबळे गेल्या काही महिन्यांपासून तक्रारदार शाळकरी मुलीचा पाठलाग करत होता. त्याने तिच्यासोबत काढलेले फोटोचे स्टेटस इन्स्टाग्रामवर ठेवत त्यावर ‘बायको’ असे लिहिले होते. मुलगी व आई घरी असताना तिने घरातच गळफास घेऊन आत्महत्या करत होती. हे पाहून आईने तिला वाचविले. सागर याने डीपीवर आपला फोटो ठेवल्याचे आई-वडिलांना सांगितले. त्यानंतर तिच्या वडिलांनी पोलिसांकडे तक्रार दिली.