पुणे : स्थायी समितीचे अध्यक्ष हेमंत रासने यांनी सन २०२०-२१ चे अंदाजपत्रक मुख्य सभेला बुधवारी सादर केले. तब्बल ७ हजार ३९० कोटींचे हे अंदाजपत्रक गेल्या अंदाजपत्रकाच्या तुलनेत ११०० कोटींनी फुगविण्यात आले आहे. गेल्या आर्थिक वर्षातील अडीच हजार कोटींची आलेली तूट पाहता फुगविलेल्या अंदाजपत्रकाची अंमलबजावणी काशी होणार याकडे लक्ष लागले आहे.
यावेळी बोलताना रासने म्हणाले, गेल्या 10 वर्षातील अंदाजपत्रकांचा आढावा घेतला असता उत्पन्न आणि खर्च यामध्ये तफावत असल्याचे आढळले. त्यामुळे उत्पन्न वाढीवर भर देण्यात येणार आहे. या अंदाजपत्रकात थकबाकीसाठी अभय योजना, लवादाची नियुक्ती, ठाणे महापालिकेच्या धर्तीवर सदनिका धोरण ठरवणे, बांधकाम परवाना प्रक्रिया शुल्काची रक्कम तीन टप्प्यात आकारणे, 200 ठिकाणी उन्नत पादचारी मार्ग विकसित करणे, तेथे जाहिरातीच्या माध्यमातून उत्पन्न मिळविणे, उद्याने, उड्डाणपूल येथे जाहिरात हक्कातून उत्पन्नाचे नियोजन करण्यात आले आहे. महसूल वाढीसाठी स्वतंत्र कक्ष निर्माण केला असून तूट कमी करण्याचा विचार सुरू आहे. मिळकत कराच्या माध्यमातून सर्वाधिक1200 तर 1400 कोटींचे उत्पन्न मिळते. त्यावर व्यवस्थित काम केल्यास 2500 ते 3000 कोटींचे उत्पन्न मिळू शकते.
पीएमपी प्रवास करणाऱ्यांची संख्या वाढण्याकरिता दिवसभरात 10 रुपयात प्रवास ही नवी घोषणा आणण्यात आली असून मध्यवर्ती भागात वाहतुकीसाठी मिडी बस भाडेतत्वावर आणणार असल्याचे रासने यांनी संगितले. यासोबतच गतिमान वाहतुकीसाठी एक रस्ता एक एकक हे धोरण राबविणार आहे. पीएमपीच्या ताफ्यात 3041 बसेस आणण्याचे नियोजन आरोग्य सेवा अधिक सक्षम करणार असून पालिकेचे सुपर स्पेशालिटी हॉस्पिटल उभारण्याचे नियोजन करण्यात आले आहे. शहरातील हौदांचे पुनरुज्जीवन, दिव्यांगांसाठी सुषमा स्वराज संवेदना पार्क उभारण्यात येणार आहे. स्पर्श, वास, घ्राण आणि श्रवण यांच्या माध्यमातून वनस्पतींचें ज्ञान या पार्कमध्ये देण्यात येणार आहे. पाण्याचा नियमित पुरवठा, भामा आसखेड योजना मार्गी लावण्याचे नियोजन, लष्कर जलकेंद्राचा पुनर्विकास करन्यासाठी तरतूद करण्यात आली असून वैकुंठ समशानभूमी पुनर्विकास ही नवी योजना आणण्यात आली आहे.सारसबाग येथे आंतरराष्ट्रीय दर्जाचे पर्यटन स्थळ उभारणार, तसेच 32 एकर जागेत आंतरराष्ट्रीय दर्जाच बोटॅनिकल गार्डन उभारणार आहे.
समाविष्ट गावांसाठी स्मार्ट व्हिलेज योजना प्रस्तावित गावांमधीक विद्यमान जमीन वापर नकाशा तयार करण्यात येणार आहे. गोखले इन्स्टिट्यूट ऑफ पोलिटिक्स अँड इकॉनॉमिक्स ही संस्था लोकसंख्या, सामाजिक, आर्थिक विश्लेषनाचा अभ्यास करून भविष्यकालीन आढावा घेतला जात आहेप्रायोगिक तत्वावर लोहगाव व मुंढवा ही गावे स्मार्ट व्हिलेज करणार. यासोबतच पर्यटन, मेट्रो, रस्ते, ग्रेड सेपरेटर, एचसीएमटीआर, उड्डाणपूल, खडकवासला ते स्वारगेट सायकल ट्रॅक, ट्राफिक पार्क, नाले सफाई, भारतरत्न अटल बिहारी वाजपेयी मेडिकल कॉलेज अशा अनेक योजनांसाठी तरतूद करण्यात आली आहे.