नीरा-जेजुरी मार्गावरील रेल्वे क्रॉसिंगचे नियोजित काम रद्द 

कोल्हापूर-पुणे रेल्वे मार्गावरील थोपटेवाडी रेल्वे क्रॉसिंगचे नियोजित दुरुस्तीचे काम तांत्रिक अडचणी मुळे रद्द करण्यात आले आहे.

ठळक मुद्देपालखी मार्गावरील वाहतूक नियमित सुरु

नीरा : कोल्हापूर-पुणे रेल्वे मार्गावरील थोपटेवाडी रेल्वे क्रॉसिंगचे नियोजित दुरुस्तीचे काम तांत्रिक अडचणी मुळे रद्द करण्यात आले आहे. पुणे-पंढरपूर पालखी मार्गावरील वाहतूक नियमित करण्यात आली असून जेजुरी-नीरा दरम्यान वाहतूक वळविण्यात आली होती. ती आता पुर्ववत करण्यात आली आहे.    शुक्रवारी (दि.२४आॅगस्ट) सकाळी सात ते शनिवारी संध्याकाळी सात वाजेपर्यंत पुर्णपणे पुणे-पंढरपूर पालखी मार्गावरील वाहतूक नीरा ते जेजुरी दरम्यान बंद राहणार होती. परंतु, आज सकाळी वाठार (ता.कोरेगाव) येथून रेल्वे रुळाच्या दुरूस्तीसाठी येणा-या यंत्रणेत बिघाड झाल्याने नियोजित काम ठप्प झाले. रेल्वे क्रॉसिंग मंदिर महत्वाचे काम होऊ न शकल्याने जेजुरी पोलीस स्टेशनच्या व लोणंद पोलीस स्टेशनच्या यंत्रणेला या घटनेची तात्काळ माहीती रेल्वे प्रशासनाने दिली असुन रस्ते वाहतूक नियमीत करण्यात यावी अशी विनंती करण्यात आली आहे.