पुणे : महाराष्ट्र लोकसेवा आयोगाने (एमपीएससी) दिव्यांग, अनाथ, आर्थिक दुर्बल घटक तसेच अमागास उमेदवारांसाठी कमाल संधीची मर्यादा रद्द केली आहे. संधीची मर्यादा घातल्यामुळे विद्यार्थिवर्गात संभ्रम होता. तो दूर झाला आहे. यापुढील सर्वच परीक्षांमध्ये ज्या-त्या प्रवर्गातील वयोमर्यादेच्या अधीन राहूनच विद्यार्थ्यांना संधी मिळणार आहे.
परिणामी आयोगाने संधीची मर्यादा रद्द केल्यामुळे सर्व विद्यार्थ्यांना समान न्याय मिळणार आहे. या निर्णयाचे स्पर्धा करणाऱ्या विद्यार्थ्यांनी स्वागत केले आहे. आयोगाने काही महिन्यांपूर्वी कमला संधीचा निर्णय घेतला होता. तो आता पुन्हा रद्द केल्यामुळे विद्यार्थ्यांना दिलासा मिळाला आहे.