पिंपरी : काळेवाडीत साई विहार सोसाटीत राहणाऱ्या तीन वर्षाच्या चिमुकलीवर बलात्कार झाल्याची घटना सोमवारी सकाळी उघडकीस आली आहे. पीडित मुलीला पुण्यातील ससून रुग्णालयात उपचारासाठी दाखल करण्यात आले आहे. वाकड पोलीस याप्रकरणी अधिक तपास करीत आहेत. अल्पवयीन मुलींवरील अत्याचाराचे सत्र थांबत नसल्याने नागरिकांनी संतप्त भावना व्यक्त केल्या आहेत.
अल्पवयीन मुलींच्या अत्याचाराची दीड महिन्याच्या कालावधीतील ही पाचवी घटना आहे. हिंजवडी परिसरात राहणाऱ्या दोन मुलींना चॉकलेटचे आमिष दाखवून दोन नराधमांनी त्यांच्यावर बलात्कार केल्याची घटना मागील महिन्यात उघडकीस आली होती त्रास होऊ लागल्याने रुग्णालयात दाखल केलेेल्या बालिकेचा मृत्यू झाल्यानंतर हा प्रकार उघडकीस आला होता. या घटनेनंतर बीजलीनगर चिंचवड येथे रात्री भूत असल्याची भीती दाखवून बालिकेवर बलात्कार केल्याचा प्रकार उघडकीस आला होता. दरम्यान चिंचवडला आणखी एक घटना उघडकीस आली होती, पित्यासह अन्य चार आरोपींनी 16 वर्षाच्या मुलीवर अत्याचार केल्याचा प्रकार उघडकीस आला होता