महाराष्ट्र लोकसेवा आयोगाला अखेर मिळाली हक्काची जागा

महाराष्ट्र लोकसेवा आयोगाचे कामकाज ६७ वर्षांपासून ३ वेगवेगळ्या ठिकाणी असलेल्या भाड्याच्या जागेतून चालत होते.

पुणे : महाराष्ट्र लोकसेवा आयोगाचे कामकाज ६७ वर्षांपासून ३ वेगवेगळ्या ठिकाणी असलेल्या भाड्याच्या जागेतून चालत होते. अखेर स्पर्धा परीक्षांचा अभ्यास करणाऱ्या विद्यार्थ्यांनी केलेल्या पाठपुराव्यामुळे आयोगाला नवी मुंबईत हक्काचा ५ हजार ५०० चौरस मीटरचा भूखंड देण्यात आला आहे.महाराष्ट्र लोकसेवा आयोग कार्यालयासाठी शिफारस करण्यात आलेल्या जागांपैकी सीबीडी बेलापूर, नवी मुंबई येथील कोकण भवनच्या शेजारील प्लॉट क्र. ७, सेक्टर १० येथील ५ हजार ५०० चौरस मीटर भूखंड मंजूर करण्यात आल्याचे आदेश बुधवारी काढण्यात आले.तसेच शेजारील २५०० चौरस मीटर जागा केंद्र शासनाच्या मिनिस्ट्री आॅफ रोड ट्रान्सपोर्ट अ‍ॅन्ड हायवेज यांच्या कार्यालयासाठी देण्यातआली आहे.