ईशान-जान्हवीची पुणेकरांना मिळाली ‘धडक’ भेट

वेळ सायंकाळची... ते दोघे येणार, याची चर्चा पसरली आणि सर्वांच्या नजरा त्यांच्या आगमनाकडे लागल्या. बॉलिवूडमधल्या नव्या ‘चांदनी’ने बदामी आणि गुलाबी रंगाच्या पेहरावात तर त्याने कूल अशा टीशर्ट आणि जीन्सच्या वेशभूषेत ‘धडक’ मारली आणि एकच जल्लोष सुरू झाला.

पुणे - वेळ सायंकाळची... ते दोघे येणार, याची चर्चा पसरली आणि सर्वांच्या नजरा त्यांच्या आगमनाकडे लागल्या. बॉलिवूडमधल्या नव्या ‘चांदनी’ने बदामी आणि गुलाबी रंगाच्या पेहरावात तर त्याने कूल अशा टीशर्ट आणि जीन्सच्या वेशभूषेत ‘धडक’ मारली आणि एकच जल्लोष सुरू झाला. एवढी मोठी गर्दी पाहून त्यांच्यामध्येही जोश संचारला आणि दोघांची पावले ‘झिंगाट’च्या गाण्यावर थिरकली... त्यांचे अशा पद्धतीने चाहत्यांना भेटणे तरुणाईला खूपच आवडल्याने सर्वजण त्यांच्या प्रेमात पडले. दोघांच्या उपस्थितीने ‘सिझन्स मॉल’चे वातावरण पूर्णत: ‘धडक’मय झाले होते. शुभारंभ ढोल-ताशा ध्वज पथकाने त्यांचे ढोल वाजवून दणक्यात स्वागत केले.मराठी चित्रपटसृष्टीच्या इतिहासात रेकॉर्ड ब्रेक केलेल्या ‘सैराट’चा हिंदी रिमेक असलेला झी स्टुडिओज व धर्मा प्रॉडक्शनची निर्मिती असलेला ‘धडक’ हा चित्रपट येत्या २८ जुलै रोजी सर्वत्र प्रदर्शित होत आहे. त्यानिमित्ताने ‘लोकमत’च्या वतीने त्यांच्या कार्यक्रमाचे आयोजन करण्यात आले होते. ‘लोकमत’ ‘धडक’ भेट या कार्यक्रमाचे पॉवर्ड बाय पार्टनर हॅशटॅग हे होते.परशा आणि आर्चीसारखीच सध्या जान्हवी कपूर आणि ईशान खट्टर यांचे पदार्पण असणाऱ्या ‘धडक’ची क्रेझ तरुणाईमध्ये निर्माण झाली आहे. रसिकांचाही त्याला चांगला प्रतिसाद मिळत आहे. दोघांचे मॉलमध्ये आगमन होण्यापूर्वी सिपा डान्स ग्रुपने धडाकेबाज नृत्यामधून वातावरणनिर्मिती केली.त्या दोघांची मॉलमध्ये ‘एंट्री’ होताच तरुणाईमध्ये एकच जल्लोष सुरू झाला. त्या दोघांची छबी कॅमेºयात बंदिस्त करण्यासाठी सर्वांचे मोबाईल सरसावले. ते दोघे स्टेजवर चढताच तरुणाईने शिट्ट्यांनी आसमंत दणाणून सोडला. प्रेक्षकांमधील उत्साह पाहून दोघांनी ‘धडक’मधील रोमँटिक गाण्यावर डान्स केला. त्यानंतर ‘झिंगाट’चे गाणे सुरू झाले आणि त्यांच्यासमवेत तरुणाईची पावलेही थिरकली. या गाण्यामध्ये सर्वच जण देहभान हरपून गेले. त्यांनी उपस्थितांशी संवाद साधत थिएटरमध्ये जाऊन चित्रपट पाहण्याचे आवाहन केले. सर्वांसोबत सेल्फी घेणे शक्य नसल्याने व्यासपीठावरूनच दोघांनी सर्वांबरोबर सेल्फी काढला. त्या दोघांच्या निरागसपणाने सर्वांनाच वेड लावले. या कार्यक्रमाचे सहयोगी प्रायोजक खत्रीबंधू मस्तानी व पॉट आईस्क्रिम तसेच एफएम पार्टनर रेडिओ सिटी व स्थळ प्रायोजक सिझन्स मॉल होते.स्टार किड्स असूनही जान्हवी व ईशान हे प्रामाणिकपणे मेहनत करत आहेत, हे वाखाणण्याजोगे आहे. हॅशटॅगच्या वतीने त्यांचे स्वागत करण्याची संधी दिल्याबद्दल ‘लोकमत’चे आभार तसेच ‘धडक’साठी त्या दोघांना शभेच्छा! - निवेदिता नहार,संचालिका, हॅशटॅगमोठ्या संख्येने तरुणाई कलाकारांना पाहण्यासाठी उपस्थित होती. एकूण वातावरणच जल्लोषमय झाले होते. जान्हवी-ईशानचे स्वागत पुणेकरांनी अगत्याने केले असेच म्हणावे लागेल.- गिरीश खत्री, संचालक खंत्रीबंधू मस्तानी व पॉट आइस्क्रीमउत्तम अभिनयाप्रमाणेच उत्तम डान्स सादर करीत ईशान व जान्हवीने सर्वांची मने जिंकून घेतली. भविष्यातही सिनेजगतात या दोघांची वाटचाल उज्ज्वल राहो. ‘लोकमत’ने नवोदित कलाकारांना पाठिंबा देण्याचा वसा पुढेही चालू ठेवावा.- विनय अरान्हा, रोझरी गु्रप