विद्यार्थी पोहोचविणार शासकीय योजनांची माहिती, युवा माहिती दूत उपक्रम

राज्य शासनाकडून राबविण्यात येणाऱ्या विविध शासकीय योजनांची माहिती थेट लाभार्थी तसेच नागरिकांपर्यंत पोहोचविण्याचे काम महाविद्यालयांमध्ये पदवी व पदव्युत्तर शिक्षण घेणारे विद्यार्थी करणार आहेत.

पुणे : राज्य शासनाकडून राबविण्यात येणाऱ्या विविध शासकीय योजनांची माहिती थेट लाभार्थी तसेच नागरिकांपर्यंत पोहोचविण्याचे काम महाविद्यालयांमध्ये पदवी व पदव्युत्तर शिक्षण घेणारे विद्यार्थी करणार आहेत. त्यासाठी येत्या १ आॅगस्टपासून ‘युवा माहिती दूत’ हा उपक्रम राज्यभर राबविण्यात येणार आहे.माहिती व जनसंपर्क महासंचालनालयाकडून उच्च शिक्षण विभागाच्या सहकार्याने हा उपक्रम राबविण्यात येणार आहे. या माध्यमातून शासनाच्या विविध योजना किमान १ कोटी नागरिकांपर्यंत पोहोचविण्याचे उद्दिष्ट आहे. या उपक्रमात जास्तीत जास्त महाविद्यालये व विद्यार्थ्यांनी सहभागी व्हावे, यासाठी प्रयत्न करावेत, अशा सूचना उच्च शिक्षण विभागाने सर्व विद्यापीठ व महाविद्यालयांना दिल्या आहेत.युवा माहिती दूत उपक्रमाचे स्वरूप, कार्यपद्धती व आवश्यकता स्पष्ट करणाºया माहितीचा मसुदा उच्च शिक्षण विभागाने प्रसिद्ध केला आहे. त्यानुसार महाविद्यालयांनी कार्यवाही करावी. या कार्यवाहीचा अहवाल सात दिवसांत पुणे विभागीय उच्च शिक्षण विभागाकडे सादर करावेत, असे सहसंचालक विजय नारखेडे यांनी स्पष्ट केले आहे.या योजनेच्या अंमलबजावणीसाठी विशेष मोबाईल अ‍ॅप्लिकेशन तयार करण्यात आले आहे. याद्वारे विद्यार्थी सर्वमाहिती लाभार्थी व नागरिकांना समजावून सांगतील. युवा माहितीदूर पुढील ६ महिने कार्यरत राहणार आहेत. यामध्ये सहभागी होणाºया विद्यार्थ्यांना शासनाकडून प्रमाणपत्र दिले जाणार आहे. विद्यार्थ्यांबरोबर महाविद्यालयाने युवा माहितीदूत मार्गदर्शक म्हणून एका प्राध्यापकांची नियुक्ती करावी, अशी सूचना करण्यात आली आहे.५ ते ६ टक्के विद्यार्थ्यांचा सहभागराज्यात ६ हजारांपेक्षा जास्त महाविद्यालये आहेत. यात सुमारे २३ लाखांपेक्षा जास्त विद्यार्थी शिकत आहेत. त्यापैकी किमान ५ ते ६ टक्के विद्यार्थी यामध्ये सहभागी होतील अशी अपेक्षा आहे. ज्या विद्यार्थ्यांना समाजकार्याची आवड आहे, त्यांचा प्राधान्याने यात समावेश करावा अशी सूचना परिपत्रकात आहे.