छत्रपती शिवाजी महाराज यांच्या ३९१ व्या जयंतीनिमित्त स्वराज्याचे वैभव असलेल्या प्रत्येक गडावर ३९१ झाडे लावण्याचा संकल्प अभिनेते व वृक्षप्रेमी सयाजी शिंदे आणि शिरूर लोकसभेचे खासदार अमोल कोल्हे यांच्या प्रेरणेतून खोडदजवळील किल्ले नारायणगडाच्या पायथ्याशी पार पडला.
सध्या पर्यावरणात होत चाललेला बदल आणि जागतिक तापमानवाढ रोखण्यासाठी वृक्षलागवड ही काळाची गरज आहे आणि म्हणून पिंपरी- चिंचवड येथील भूगोल फाऊंडेशन, संतनगर मित्रमंडळ, मोशी प्राधिकरण यांनी खोडद व हिवरे तर्फे नारायणगाव येथील ग्रामस्थ व तरुणांच्या सहकार्याने सुरुवातीला खोडद गावामध्ये स्वच्छता करून वसुंधरा वाचविण्यासाठी पर्यावरणाचे महत्व पटवून दिले.
पर्यावरणविषयीचे विविध फलक हातात घेऊन व संदेश-घोषणा देत पर्यावरण जनप्रबोधनफेरी काढण्यात आली व त्यानंतर किल्ले नारायणगडाच्या पायथ्याशी वृक्षारोपण करण्यात आले.
खऱ्या अर्थाने भगव्या मशाली बरोबर हिरव्या मशाली पेटवून वसुंधरा हिरवीगार करण्यासाठी झाडे लावून हा कार्यक्रम पार पाडून एक आगळी वेगळी हरित शिवजयंती साजरी करण्यात आली. सृजनशील भारतीय नागरिक म्हणून ह्या मोहिमेतील एक घटक बनून आपला भारत व आपली भूमाता वसुंधरा प्रदूषणमुक्त करण्यासाठी छत्रपती शिवाजी महाराजांनी उभारलेले गडकिल्ल्यांचे ऐतिहासिक वैभव जतन करण्यासाठी शिवप्रेमी , पर्यावरणप्रेमी व तरुण मुले आणि महिला सहभागी झाले होते.
या वेळी भूगोल फाउंडेशनचे अध्यक्ष विठ्ठल वाळुंज, तानाजी अरबूज, शशिकांत वाडते, साहेबराव गावडे, अशोक वाडेकर, विठ्ठल लंघे, सुभाष इचके,सचिन घेनंद, दत्तात्रय शिंदे, विमल शेळके, शीलाताई इचके, शोभाताई फटांगडे,अपूर्वा वाळुंज, सविता ममदापुरे,सविता देशिंगे,प्रतीक्षा ममदापुरे, प्रतीक ममदापुरे, सुदर्शन फटांगडे, पियुष फटांगडे,स्वप्नल देशिंगे,नचिकेत शेळके यांनी सहभाग घेतला.
यावेळी भूगोल फाउंडेशनचे अध्यक्ष विठ्ठल वाळुंज यांनी भूगोल फाउंडेशन करत असलेल्या कामाची माहिती देऊन पर्यावरण रक्षणासाठी झाडांचे महत्त्व पटवून दिले.यावेळी जुन्नर तालुका मित्र मंडळाचे अध्यक्ष प्रभाकर ढोमसे, दीपक सोनवणे,नलावडे उपस्थित होते.
हा कार्यक्रम पार पाडण्यासाठी स्थानिक नागरिकांनी मोलाचे सहकार्य केले. मुक्ताई वंचित आधार प्रतिष्ठानचे उपाध्यक्ष शरद पोखरकर, माजी सरपंच जालिंदर डोंगरे मामा यांची भाषणे झाली.या कार्यक्रमाला खोडदच्या उपसरपंच सविता गायकवाड,ग्रामपंचायत सदस्य रवी मुळे,योगेश शिंदे,गणपत वाळुंज, संदीप घायतडके,सामाजिक कार्यकर्ते अमोल काळे,सुरेश काळे ,शिवदास खोकराळे, पोलीस पाटील सुहास थोरात, अंबिका पतसंस्थेचे संचालक प्रकाश गायकवाड,वृक्षमित्र जालिंदर कोरडे,आदी मान्यवर उपस्थित होते.
भूगोल फाउंडेशनच्या वतीने किल्ले नारायणगडाच्या पायथ्याशी शिवजयंती निमित्त वृक्षारोपण करण्यात आले.