डॉ. बसवराज तेली, पंकज डहाणे, दीपक साकोरे यांची पुन्हा बदली

पुणे शहरातील पोलीस उपायुक्त डॉ़ बसवराज तेली, पंकज डहाणे, दीपक साकोरे आणि प्रवीण मुंडे यांची २७ जुलै रोजी बदली करण्यात आली होती़

पुणे : पुणे शहरातील पोलीस उपायुक्त डॉ़ बसवराज तेली, पंकज डहाणे, दीपक साकोरे आणि प्रवीण मुंडे यांची २७ जुलै रोजी बदली करण्यात आली होती़परिमंडळ १ चे उपायुक्त डॉ़ बसवराज तेली यांची लोहमार्ग पुणे येथे पोलीस अधीक्षक म्हणून बदली करण्यात आली होती़ आज सोमवारी सकाळी त्यांनी या पदाचा कार्यभार स्वीकारला. सायंकाळी त्यांची बदली वर्धा येथे पोलीस अधीक्षक म्हणून करण्यात आल्याचा आदेश काढण्यात आला आहे़ परिमंडळ ४ चे पोलीस उपायुक्त दीपक साकोरे यांची राज्य गुप्तवार्ता विभाग, मुंबई येथे उपायुक्तपदी बदली झाली होती़ त्यांची आता पुण्यात राज्य गुन्हे अन्वेषण विभागात (सीआयडी) अधीक्षकपदी बदली झाली आहे़ गुन्हे शाखेचे उपायुक्त पंकज डहाणे यांची गुन्हे अन्वेषण विभाग, नवी मुंबई येथे बदली झाली होती़ त्यांची नवी मुंबईत उपायुक्तपदी बदली झाली आहे़परिमंडळ २ चे उपायुक्त डॉ़ प्रवीण मुंडे यांची पोलीस अधीक्षक, धुळे येथे बदली झाली होती़ त्यांच्या जागी विश्वास पांढरे यांची धुळे येथे बदली करण्यात आली असून डॉ़ मुंडे यांच्या नव्या पदाचा आदेश स्वतंत्रपणे काढण्यात येणार आहे़>सोमवारी गृह विभागाने आणखी एक आदेश काढला असून, त्यात १३ पोलीस उपायुक्तांच्या बदल्या करण्यात आल्या आहेत़ उपायुक्त स्वप्ना गोरे यांची अपर अधीक्षक वाशिम या ठिकाणी बदली करण्यात आली होती़ त्यांची आता पुणे शहरात उपायुक्त म्हणून नियुक्ती केली गेली आहे़