ठळक मुद्देहिंजवडी भागातील शिवतेजनगर मधील घटना पशुअधिकाऱ्यांनी दिली अज्ञातांविरोधात फिर्याद, पोलिसांचा तपास सुरु
पुणे : कुत्र्याला अमानुषपणे मारहाण करून ठार केल्याची दुर्दैवी घटना पुण्यातील हिंजवडी भागात घडली आहे. या बाबत हिंजवडी पोलीस स्थानकात तक्रार दाखल करण्यात आली असून पोलिसांचा तपास सुरु आहे.
याबाबत घडलेली घटना अशी की, हिंजवडी भागातील शिवतेजनगरमध्ये गुरुवार (दि.१०)रोजी सकाळी सव्वानऊच्या दरम्यान ही घटना घडली. या भागात वावरणाऱ्या काळ्या रंगाच्या कुत्र्याला एका अज्ञात व्यक्तीने मारहाण करून, जोरीने ओढत आणून, क्रूर वागणूक देत ठार केले. याबाबत अज्ञात व्यक्तीच्या विरोधात भारतीय पशुकल्याण मंडळाचे पशुअधिकारी नितेश खरे यांनी तक्रार नोंदवली असून हिंजवडी पोलीस स्थानकातून तपास सुरु आहे. या भागात सीसीटीव्ही आहेत का याचीही चौकशी पोलीस करत असल्याचे समजते.