डेक्कन एक्सप्रेस आता १५ मिनिटे सुटणार लवकर; रेल्वेगाड्यांच्या वेळेत आजपासून बदल

भारतीय रेल्वेच्या वेळापत्रकात १ नव्हेंबरपासून बदल होत असून पुणे विभागातील काही गाड्यांच्या वेळेत बदल झाला आहे़.

पुणे : भारतीय रेल्वेच्या वेळापत्रकात १ नव्हेंबरपासून बदल होत असून पुणे विभागातील काही गाड्यांच्या वेळेत बदल झाला आहे़ त्यात पुण्याहून सुटणारी पुणे -मुंबई डेक्कन एक्सप्रेस (११००८) ही गाडी आता दुपारी १५़३० ऐवजी १५ मिनिटे अगोदर १५़१५ वाजता सुटणार आहे़ मुंबईला ही गाडी १९़३५ ऐवजी १९़१७ वाजता पोहचेल़याशिवाय पुणे -इंदौर (२२९४३) ही आठवड्यात पाच दिवस चालणारी तसेच पुणे -जयपूर (१२९३९) ही आठवड्यात दोन दिवस चालणारी एक्सप्रेस दुपारी १५़२० ऐवजी १५ मिनिटे उशीरा १५़३५ वाजता सुटणार आहे़दौंड -पुणे डेमू (७१४०८) ही दौंडवरुन १२़४५ वाजता सुटून पुणे स्टेशनवर आता १४़२३ वाजता पोहचेल़ पुणे -दौंड (७१४०९) ही डेमू पुणेहून १४़२० निघण्याऐवजी १४़४० वाजता सुटेल व दौंडला १६़५८ वाजता पोहचेल़ दौंड -पुणे (७१४१०) डेमू दौंडहून १७़१० वाजता सुटून पुणे स्टेशनवर १८़५० वाजता पोहचेल़