Corona Virus News : पुणे शहरात बुधवारी ३२८ नवे कोरोनाबाधित, ३१६ जण कोरोनामुक्त 

पुणे शहरात आत्तापर्यंत १ लाख ६२ हजार ४१९ जण पॉझिटिव्ह आले असून, यातील १ लाख ५२ हजार ४८५ जण कोरोनामुक्त..

ठळक मुद्देपुणे शहरात आत्तापर्यंत ७ लाख ४६ हजार २१ जणांची कोरोना तपासणी

पुणे : शहरात बुधवारी ३२८ कोरोनाबाधितांची वाढ झाली असून, ३१६ कोरोनाबाधित कोरोनामुक्त झाले आहेत़  तर दिवसभरात २३ जणांचा कोरोनामुळे मृत्यू झाला असून, यामध्ये ५ जण पुण्याबाहेरील आहेत.    पुणे महापालिकेच्या आरोग्य विभागाने दिलेल्या माहितीनुसार, बुधवारी शहरातील विविध हॉस्पिटलमध्ये ४९४ गंभीर रूग्णांवर उपचार सुरू होते. यापैकी २९० जण व्हेंटिलेटरवर आहेत. तर १ हजार ४२० जणांवर ऑक्सिजनसह उपचार सुरू आहेत.    पुणे शहरात आत्तापर्यंत ७ लाख ४६ हजार २१ जणांची कोरोना तपासणी करण्यात आली आहे. यापैकी १ लाख ६२ हजार ४१९ जण पॉझिटिव्ह आले असून, यातील १ लाख ५२ हजार ४८५ जण कोरोनामुक्त झाले आहेत. शहरातील सक्रिय रूग्ण संख्या ही ५ हजार ६४१ इतकी आहे. तर आत्तापर्यंत ४ हजार २९३ जणांचा मृत्यू झाला आहे. आज दिवसभरात शहरात ३ हजार ५३ जणांची कोरोना तपासणी करण्यात आली आहे.          ----------------------------------         ----------------------------------