बालभारतीने ‘लोकमत’च्या पुरवणीचा आधार घ्यावा

पुणे : माजी पंतप्रधान स्व. इंदिरा गांधी यांच्या जन्मशताब्दी वर्षानिमित्त ‘लोकमत’ने प्रसिद्ध केलेल्या ‘दुर्गापर्व’ या विशेष पुरवणीने त्यांचा संपूर्ण जीवनपट उलगडला आहे. त्यामुळे ‘बालभारती’ने अभ्यासक्रमात त्यांच्याविषयी दिलेल्या अपु-या व बदनामीकारक माहितीत बदल करण्यासाठी ‘दुर्गापर्व’ या पुरवणीचा आधार घ्यावा, अशी मागणी शहर युवक काँग्रेसने केली आहे. इंदिरा गांधींचा मुस्तद्दीपणा, दूरदृष्टी, निर्णयक्षमता असे विविध पैलू या पुरवणीतून उलगडण्यात आले आहेत. त्यांच्या या गुणांवर राजकारणासह विविध क्षेत्रांतील मान्यवरांनी मोहोर उमटवली आहे. युवक काँग्रेसच्या वतीने ही पुरवणी गुरुवारी ‘बालभारती’ला भेट देण्यात आली. या वेळी शहर युवक काँग्रेसचे अध्यक्ष विकास लांडगे, प्रवक्ते हनुमंत पवार आदी उपस्थित होते.