कोंढवा : गाडी पार्क करण्यावरून झालेल्या किरकोळ वादातून झालेल्या मारहाणीमुळे नेविन बत्तीवाला (वय ३९, रा. सिग्नेचर हॉटेलजवळ, साउथ रोड, लुल्लानगर, कोंढवा खुर्द) यांचा मृत्यू झाला आहे.
लुल्लानगर येथे बत्तीवाला यांचा बंगला आहे. त्यांच्या बंगल्यासमोर शुक्रवारी रात्री गाडी पार्क करण्यावरून काही इसमांबरोबर झालेल्या वादावरून नेविन यांना जबर मारहाण करण्यात आली. त्यानंतर बत्तीवाला हे कोंढवा पोलीस चौकीत तक्रार देण्यासाठी गेले. त्यांना तिथे त्रास होऊ लागल्यावर जवळच असलेल्या सत्यानंद हॉस्पिटलमध्ये गेले. तिथे डॉक्टरांनी त्यांना पुढील उपचारासाठी दाखल करून घेतले. दवाखान्यात पोलीस त्यांचा जबाब घेत असताना बत्तीवाला यांना उलटी झाली व त्यानंतर त्यांचा मृत्यू झाला. बत्तीवाला यांच्या हातापायावर व डोक्याला अनेक ठिकाणी मारहाणीमुळे इजा झाली होती. त्यामुळे त्यांचा मृत्यू झाला.
याबाबत कोंढवा पोलीस अधिक तपास करीत आहेत. खुनाचा गुन्हा दाखल करण्याचे काम पोलीस करीत आहेत.