पुणे : वेगवेगळे टास्क पूर्ण केल्यास चांगला मोबदला देण्याचे आमिष दाखवून फसवणूक केल्याच्या दोन घटना मुंढवा आणि हडपसर परिसरात घडल्या आहेत. पहिल्या घटनेत, कोंढवा परिसरात राहणाऱ्या एका ४८ वर्षीय व्यक्तीने सायबर पोलिसांना फिर्याद दिली आहे.
तक्रारदार यांना अनोळखी मोबाईल क्रमांकावरून पार्ट टाइम नोकरीसाठीचा मेसेज आला. वेगवेगळे टास्क पूर्ण केल्यास त्याचा चांगला परतावा मिळेल असे सांगून तक्रारदार यांचा विश्वास संपादन केला. सुरुवातीला काही प्रमाणात मोबदला देऊन त्यांना तब्बल ७० लाख ३२ हजार रुपये उकळले. काही कालावधी उलटल्यानंतर नफ्याचे पैसे मिळत नसल्याने विचारपूस केली असता कोणताही प्रतिसाद मिळाला नाही म्हणून आपली फसवणूक झाल्याचे त्यांच्या लक्षात आले.
दुसऱ्या घटनेमध्ये, धानोरी परिसरात राहणाऱ्या एका ३४ वर्षीय व्यक्तीने सायबर पोलिसांना फिर्याद दिली आहे. त्यानुसार टास्क पूर्ण केल्यास चांगले कमिशन मिळेल असे आमिष दाखवून सुरुवातीला १३५० रुपये नफा म्हणून दिले. त्यांनतर प्रीपेड, व्हीआयपी टास्कच्या नावाखाली पैसे उकळून तक्रारदार यांची ४९ लाख ६८ हजारांची फसवणूक केली. याप्रकरणी सायबर पोलिस ठाण्यात गुन्हा दाखल करण्यात आला आहे.