पुणेरी पाट्या प्रदर्शनास गर्दी; पिंपरीत ‘लोकमत’तर्फे आयोजन

पिंपरी-चिंचवडमधील नागरिकांच्या आग्रहास्तव हे प्रदर्शन भरविण्यात आले असून, पुणेरी मिस्किलपणा शहरवासीयांनी अनुभवला.

पिंपरी : गणरायाच्या आगमनाने शहरातील वातावरण मंगलमय झाले असताना लोकमतच्या पुणेरी पाट्या या प्रदर्शनाची पिंपरीत आजपासून सुरुवात झाली. पहिल्याच दिवशी मोठा प्रतिसाद मिळाला. पिंपरी-चिंचवडमधील नागरिकांच्या आग्रहास्तव हे प्रदर्शन भरविण्यात आले असून, पुणेरी मिस्किलपणा शहरवासीयांनी अनुभवला.पिंपरी-चिंचवड शहरातील नागरिकांसाठी पिंपरीतील विशाल ई-स्क्वेअर चित्रपटगृहातील तळमजला येथे प्रदर्शन भरविण्यात आले असून, त्याचे उद्घाटन महापौर राहुल जाधव यांच्या हस्ते झाले.या वेळी बीव्हीजी ग्रुपचे प्रमुख हणमंत गायकवाड, पिंपरी-चिंचवड नवनगर विकास प्राधिकरणाचे अध्यक्ष सदाशिव खाडे, पी. के. इंटरनॅशनल ग्रुपचे प्रमुख जगन्नाथ काटे, उन्नती ग्रुपचे प्रमुख संजय भिसे, नगरसेवक तुषार कामठे, माजी नगरसेवक शेखर ओव्हाळ, संदीप ढेरंगे, दीपक नागरगोजे, विकास काटे आदी उपस्थित होते. उपक्रमाचे प्रायोजक फिनोलेक्स ग्रुप असून, खत्री बंधू, एचपी ज्वेलर्स आणि हमारा साथी संस्थेचे सामाजिक कार्यकर्ते संदीप पवार हे होत.पुणेकरांच्या पुणेरी बाण्यासोबत मिश्किल पुणेरी पाट्या हीसुद्धा एक खासियत आहेच. या पाट्यांमधून पुणेकरांचा स्पष्टवक्तेपणा, थेट भिडण्याची वृत्ती झळकते. आम्ही खाण्याचे पैसे घेतो, अन्न पानामध्ये टाकण्याचे नाही. एक ते चार या वेळेत कोणीही प्रचारासाठी येऊ नये, चार वेळा कंट्रोल एस दाबले तरी सेव्ह एकदाच होते, अशा खवचट पुणेकरांच्या तैलबुद्धीला पिंपरी-चिंचवडकरांनी एकाच छताखाली पाहिले. पाट्या वाचून दालनात हास्याचे फवारे उडाले.सेल्फीसाठी लोटली गर्दीयेथे र्पाकिंग करू नये अन्यथा तुमच्या डोक्यातील आणि चाकातील दोन्ही हवा सोडण्यात येईल, तसेच येथे हापूसचे भाव फिक्स आहेत घासाघीस करू नये अन्यथा पायरी दाखविण्यात येईल, बाहेरच्या कोणीही लिफ्ट वापरू नये अडकल्यास सोसायटी जबाबदार राहणार नाही, अशा इशारावजा सूचना देणाऱ्या पाट्या लक्ष वेधून घेत होत्या.हास्याची लाट... टाळ्यांची दादअरे ही पाटी पहा किती छान आहे, जोरदार टोला लगावलाय, इथे तर नेमक्या शब्दांत सुनावले आहे, अशाप्रकारे प्रतिक्रिया व्यक्त केल्या. पुणेरी या पाट्या वाचताना प्रत्येकाच्या चेहºयावर हास्याची लकेर उमटत आहे. ‘हे वाचनालय पेपर वाचण्यासाठी आहे, डुलकी घेण्यासाठी नाही’, ‘येथे बिनडोक लोकांनी कचरा टाकावा’, ‘खाली येताना शक्यतो लिफ्टचा वापर टाळावा’,‘फोटो खराब आल्यास वडिलांना जाब विचारावा आम्हास नाही’, ‘फोन न लागल्यास कॉइन परत करावे’, पाट्या थोडक्यात लिहा, आपली व्यथा व्यक्त करु नका, अशा खोचक आणि नेमक्या शब्दांतील ‘पुणेरी पाट्या’ वाचताना हास्यकल्लोळ होतो.पुणेरी पाटी प्रदर्शन हा अतिशय स्तुत्य उपक्रम आहे. या प्रदर्शनाच्या निमित्ताने शहर वासीयांना पुणेरी पाट्या प्रत्यक्ष अनुभवायला मिळणार आहेत. जगभर प्रसिद्ध असणाºया पुणेरी पाट्यांमार्फत हे संदेश शहरवासीयांसाठी अनोखी भेट ठरेल. - संदीप पवार, युवा नेते