पिंपरी : पिंपरी-चिंचवड महापालिका निवडणुकीचा निकाल जाहीर झाला असला, तरी महापौरपदाचे आरक्षण अद्याप घोषित न झाल्याने उत्सुकता वाढली आहे. शहरातील लोकसंख्या, तसेच महापौर आरक्षण लागू झाल्यापासूनचा सविस्तर तपशील पिंपरी-चिंचवड महापालिकेने सप्टेंबरमध्ये राज्य शासनाकडे पाठविला आहे. मात्र, अद्यापही महापौरपदाचे आरक्षण जाहीर करण्यात आलेले नाही. त्यामुळे तर्कवितर्क लढविले जात आहेत. भाजपचे ८४ नगरसेवक निवडून आले आहेत. त्यामुळे महापौर भाजपचाच होणार आहे. मात्र, महापौरपद कोणत्या प्रवर्गासाठी आरक्षित राहणार, हे अस्पष्ट आहे.
आतापर्यंत महापौरपदी खुला प्रवर्ग, नागरिकांचा मागास प्रवर्ग (ओबीसी), तसेच अनुसूचित जमाती (एसटी) या प्रवर्गांतील नगरसेवकांना संधी मिळाली आहे. त्यामुळे आता केवळ अनुसूचित जाती (एससी) हा प्रवर्ग शिल्लक राहिल्याने, यावेळी महापौरपद ‘एससी’साठी आरक्षित होण्याची दाट शक्यता वर्तविली जात आहे.
यांची लागू शकते वर्णी...
महापौरपद अनुसूचित जातीसाठी आरक्षित झाल्यास भाजपमधून अनुराधा गोरखे, राष्ट्रवादीतून भाजपमध्ये आलेल्या आशा सूर्यवंशी, ॲड.विनायक गायकवाड, कुंदन गायकवाड, डॉ.सुहास कांबळे, रिपाइंचे शहराध्यक्ष कुणाल वाव्हळकर, तर शिक्षण समितीच्या माजी अध्यक्षा मनिषा पवार यापैकी एकाची वर्णी लागू शकते.
Web Summary : Pimpri-Chinchwad election results are out, but the mayor's reservation category remains undisclosed. BJP won 84 seats, securing the mayorship, but the reserved category is uncertain. Speculation suggests it might be reserved for Scheduled Castes (SC), with several BJP and alliance candidates in contention.
Web Summary : पिंपरी-चिंचवड चुनाव परिणाम घोषित हो गए हैं, लेकिन महापौर आरक्षण श्रेणी अभी भी अज्ञात है। बीजेपी ने 84 सीटें जीतीं, जिससे मेयरशिप सुरक्षित हो गई, लेकिन आरक्षित श्रेणी अनिश्चित है। अटकलें हैं कि यह अनुसूचित जाति (एससी) के लिए आरक्षित हो सकता है, जिसमें बीजेपी और गठबंधन के कई उम्मीदवार दौड़ में हैं।