चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांद्याची आवक वाढून भाव स्थिर राहिले. बटाट्याची आवक घटली. कांदा, बटाटा, भुईमूग शेंगा, लसूण व हिरव्या मिरचीचे भाव स्थिर राहिले. कांद्याला ३०० ते १००० व बटाट्याला ६०० ते १३०० रुपये प्रतिक्विंटल भाव मिळाला. तरकारी विभागात हिरवी मिरची व टोमॅटोची आवक वाढली. टोमॅटो, वांगी, दोडका, फरशी, वालवड, शेवगा, कोबी-फ्लॉवरचे भाव वाढले, तर वाटाणा, गवारचे भाव घटले. मेथी व कोथिंबिरीचे भाव दुपटीने वाढले. जनावरांच्या बाजारात गाईंची विक्री चारपटीने घटली, तर म्हशी व शेळ्या-मेंढ्यांची विक्री वाढली. चाकण बाजारात एकूण उलाढाल २ कोटी ६० लाख रुपये झाली असल्याची माहिती सभापती चंद्रकांत इंगवले यांनी दिली.
चाकण बाजारात कांद्याची एकूण आवक ४३०० क्विंटल झाली. कांद्याची आवक १८८० क्विंटलने वाढून कमाल भाव १००० रुपयांवर स्थिर राहिला. तळेगाव बटाट्याची एकूण आवक १४९३ क्विंटल झाली. गेल्या शनिवारच्या तुलनेत ही आवक ६०७ क्विंटलने घटली. बटाट्याचा कमाल भाव १३०० रुपयांवर स्थिर राहिला. भुईमूग शेंगाची आवक ५ क्विंटल होऊन भाव ५००० रुपयांवर स्थिर झाले. लसणाची एकूण आवक १० क्विंटल होऊन लसणाचा कमाल भाव २ हजार रुपयांवर स्थिर झाला. चाकण बाजारात हिरव्या मिरचीची एकूण आवक ४९६ पोती झाली. मिरचीला २५०० रुपये प्रतिक्विंटल भाव मिळाला.राजगुरुनगर येथील मुख्य बाजारात मेथीची १ लाख ४० हजार जुड्यांची आवक होऊन ३०१ ते १५५१ रुपये प्रती शेकडा जुड्यांंना भाव मिळाला. कोथिंबीर ७० हजार जुड्यांची आवक होऊन २५१ ते २४०१ रुपये असा प्रतिशेकडा जुड्यांना भाव मिळाला. शेपू आवक १५ हजार जुड्या झाली. ४०१ ते ८०१ असा जुड्यांना भाव मिळाला.शेतीमालाची आवक व बाजारभाव : कांदा - एकूण आवक - ४३०० क्विंटल. भाव क्रमांक १ : १००० रुपये, भाव क्रमांक : ८०० रुपये, भाव क्रमांक ३ : ३०० रुपये.बटाटा - एकूण आवक - १४९३ क्विंटल. भाव क्रमांक १ : १३०० रुपये, भाव क्रमांक २ : १००० रुपये, भाव क्रमांक ३ : ६०० रुपये.भुईमूग शेंग - एकूण आवक - ५ क्विंटल. भाव क्रमांक १ : ५००० रुपये, भाव क्रमांक २ : ४५०० रुपये, भाव क्रमांक ३ : ३००० रुपये.लसूण - एकूण आवक - १० क्विंटल. भाव क्रमांक १ : २००० रुपये, भाव क्रमांक : १५०० रुपये, भाव क्रमांक ३ : १००० रुपये.फळभाज्या : आवक डागांमध्ये व भाव प्रती १०० किलो : हिरवी मिरची - ४९६ पोती ( १५०० ते २५०० रु. ), टोमॅटो - १०२५ पेट्या ( ५०० ते १२०० रु. ), कोबी - ३९८ पोती ( ३०० ते ६०० रु. ), फ्लॉवर - ४१९ पोती ( ५०० ते १२०० रु.), वांगी - ३२७ पोती ( २००० ते ३००० रु.), भेंडी - ४६५ पोती ( २५०० ते ३५०० रु.), दोडका - २६८ डाग ( २५०० ते ३५०० रु.), कारली - ३७४ डाग ( २००० ते ३००० रु.), दुधीभोपळा - १८० पोती ( ५०० ते १२०० रु.), काकडी - ३१३ पोती ( १५०० ते २५०० रु.), फरशी - १६८ पोती ( २५०० ते ४४०० रु.), वालवड - ३७५ पोती ( २००० ते ४००० रु.), गवार - २१७ पोती ( ३००० ते ४००० रु.), ढोबळी मिरची - ४८६ डाग ( १२०० ते २२०० रु.), चवळी - १५४ डाग ( १५०० ते २५०० रु. ), वाटाणा - ६१८ पोती ( २००० ते ३००० रु. ), शेवगा - ९३ डाग ( ३००० ते ५००० रुपये ).४पालेभाज्या : एकूण आवक जुड्यांमध्ये व प्रती शेकडा जुड्या : मेथी - एकूण १९९७३ जुड्या ( ५०० ते १२०० रुपये ), कोथिंबीर - एकूण २२५६८ जुड्या ( ५०० ते १४०० रुपये ),शेपू - एकुण ४५४६ जुड्या ( ४०० ते ८०० रुपये ), पालक - एकूण ५१९५ जुड्या ( ४०० ते ६०० रुपये).४जनावरे : विक्रीसाठी आलेल्या ४५ जर्शी गाईंपैकी २३ गार्इंची विक्री झाली. ( १०,००० ते ६०,००० रुपये ),१९० बैलांपैकी ११० बैलांची विक्री झाली. ( १०,००० ते ३५,००० रुपये ), २२० म्हशींपैकी १६० म्हशींची विक्री झाली. ( २०,००० ते १,००,००० रुपये ),शेळ्या - मेंढ्यांच्या बाजारात विक्रीसाठी आलेल्या ८४४० शेळ्या - मेंढ्यांपैकी ७१४० शेळ्या - मेंढ्यांची विक्री होऊन त्यांना (१५०० ते १०,००० ) रुपये इतका भाव मिळाला. जनावरांच्या बाजारात १ कोटी ९० लाख रुपये उलाढाल झाली.