कामशेत : मुंबई पुणे द्रुतगती मार्गावर अज्ञात वाहनाच्या धडकेत बऊर ( मावळ ) येथील एकाचा जागीच मृत्यू झाला आहे. घटना बुधवारी रात्री साडेसातच्या सुमारास घडली. याप्रकरणी संतोष अशोक मगर यांनी पोलिसात फिर्याद दिली आहे.अशोक प्रभाकर मगर ( वय ५२, रा. बऊर, मावळ ) असे अपघातात मृत्यू झालेल्याचे नाव आहे.
कामशेत पोलिसांनी दिलेल्या माहितीनुसार, बुधवारी ( दि.१९ ) रोजी ७.३० वाजण्याच्या सुमारास एक्सप्रेस हायवेवर बऊर गावच्या हद्दीत किलोमीटर नं. ७५/३०० जवळ पायी रस्ता ओलांडताना अशोक प्रभाकर मगर यांना भरधाव वेगात जाणाऱ्या अज्ञात वाहनाने ध=डक देवून यात त्यांचा मृत्यू झाला आहे. अपघात घडल्यानंतर वाहनचालक वाहनासह पसार झाला असून याप्रकरणी पुढील तपास पोलीस निरीक्षक विठ्ठल दबडे करीत आहेत.