‘लालबत्ती’ खेळ विद्यार्थ्यांसाठी ठरतोय धोकादायक, ‘पोलीसकाका’ उपक्रमाचे कौतुक

पिंपरी-चिंचवड शहरातील अनेक शाळांमध्ये सध्या एका वेगळ्या खेळाची चर्चा होतेय. तो खेळ म्हणजे लालबत्ती. तुमचा पाल्य जर शाळेत जाऊन अशा प्रकारचा खेळ खेळत असेल, तर वेळीच त्याला सावध करण्याची आवश्यकता आहे अन्यथा हा खेळ विद्यार्थ्यांसाठी धोकादायक व जीवघेणा ठरू शकतो.

- स्वप्निल हजारे ।पिंपरी : पिंपरी-चिंचवड शहरातील अनेक शाळांमध्ये सध्या एका वेगळ्या खेळाची चर्चा होतेय. तो खेळ म्हणजे लालबत्ती. तुमचा पाल्य जर शाळेत जाऊन अशा प्रकारचा खेळ खेळत असेल, तर वेळीच त्याला सावध करण्याची आवश्यकता आहे अन्यथा हा खेळ विद्यार्थ्यांसाठी धोकादायक व जीवघेणा ठरू शकतो.पूर्वी तुम्ही-आम्ही गंमत म्हणून ‘लालबत्ती’ हा खेळ खेळला असाल. पण गंमत म्हणून खेळला जाणारा हा खेळ सध्या पिंपरी-चिंचवड शहरातील अनेक शाळांमध्ये विद्यार्थ्यांचा छंद होऊलागला आहे. हा विद्यार्थ्यांचा खेळ तुमच्या पाल्याच्या जिवावरही बेतू शकतो. त्या विषयीची घटना नुकतीच कुदळवाडीतील एका खासगी शाळेत घडली. या खेळाच्या निमित्ताने एका विद्यार्थ्याला मित्रांनी जबर मारहाण केली. हे प्रकरण अगदी पोलीस चौकीपर्यंत गेले.खेळातील हे प्रकरण पोलिसांपर्यंत पोहोचल्यानंतर या खेळातील गांभीर्य समोर आले. पोलिसांनी विद्यार्थ्यांना व शाळेला समज देऊन हे प्रकरण समुपदेशनाद्वारे हाताळले. आता हा जीवघेणा खेळ रोखण्यासाठी शाळा, पालक, तसेच पोलिसांनीही विशेष पुढाकार घेण्याची आवश्यकता आहे.काय आहे ‘लालबत्ती’ खेळ?या खेळात एका मुलाला लक्ष्य करून त्याच्या तोंडावर जर्किन वा स्वेटर टाकले जाते. मग दहा ते बारा मुलांकडून लाथा-बुक्क्यांनी मारहाण केली जाते. असा प्रकार पिंपरी-चिंचवड शहरातील कुदळवाडीतील एका खासगी शाळेत काही दिवसांपूर्वी घडला. या शाळेतील नववीत शिकणाºया एका मुलांला दहा ते बारा मित्रांनी मारहाण केली. त्यात तो जखमी झाला होता.‘पोलीसकाका’ उपक्रमाचे कौतुकपिंपरी-चिंचवड शहरातील पोलिसांनी प्रत्येक शाळा व महाविद्यालयात जाऊन ‘पोलीसकाका’ उपक्रम सुरू केला आहे. शाळेत जाऊन विद्यार्थ्यांना समुपदेशन केले जात आहे. सध्या या उपक्रमाचे अनेक शाळा, महाविद्यालयांनी स्वागत केले असून, पोलिसांचे कौतुक केले जात आहे.