पिंपरी : आम आदमी पार्टीचे खासदार संजय सिंग यांच्या अटकेच्या निषेधार्थ पिंपरी येथील डॉ. बाबासाहेब आंबेडकर पुतळ्यासमोर गुरुवारी ठिय्या आंदोलन केले. दिल्लीमध्ये आम आदमी पार्टीचे राज्यसभेचे खासदार संजय सिंह आणि काही पत्रकारांना दिल्लीमध्ये अटक करण्यात आली. सरकारच्या चुकीच्या धोरणांविरोधात प्रखरतेने आवाज उठवणारे पत्रकार आणि विरोधकांवर ईडी, सीबीआय, आणि पोलीस यंत्रणांमार्फत त्रास देत आहे. याचा विरोध करण्यासाठी आम आदमी पार्टीचे कार्यकर्ते रस्त्यावर उतरले आहेत.
आंदोलकांनी जोरदार घोषाबाजी करत संजय सिंह यांच्यावरील कारवाईचा निषेध केला. या वेळी आपचे शहराध्यक्ष चेतन बेंद्रे, ब्रह्मानंद जाधव, सुरेश भिसे, अभिजीत सूर्यवंशी, संतोष इंगळे, सचिन पवार, वैजनाथ शिरसाठ, गोविंद माळी, अजय सिंग,प्रकाश हागवणे,कमलेश रणवरे, रोहित सरनोबत, इमरान खान ,प्रदीप सूर्यवंशी, सुरेंद्र कांबळे, शुभम यादव, संजीव झोपे, स्मिता पवार, सरोज कदम, सुरेश बावनकर, यल्लाप्पा वालदोर, रफिक अत्तार, दमयंती नेरकर, कल्याणी राऊत, चंद्रमणी जावळे, सीमा बावनकर, प्रशांत कोळवले, संजीव झोपे उपस्थित होते.