पिंपरी -लग्नाच्या काही तासांपूर्वी वधूने गळफास घेऊन आत्महत्या केल्याची घटना चिंचवडमध्ये घडली आहे. लग्न काही तासांवर आलं असल्याने लगीन घरात धामधूम होती. वधू पित्याची पत्रिका वाटण्याची आणि राहीलेली कामं उरकण्याची धावपळ सुरू असतानाच नववधूने मृत्यूला कवटाळल्याची धक्कादायक घटना चिंचवड येथील विद्यानगर झोपडपट्टीत मंगळवारी रात्री ९.३० वाजता घडली.
सीमा दिलीप सकाटे (वय २२, रा. विद्यानगर, चिंचवड) असे आत्महत्या केलेल्या नवरीचे नाव आहे. १४ डिसेंबर रोजी तिचे साताऱ्याला लग्न होणार होते. त्यासाठी मंगळवारी तिने मेंहंदी काढली. मात्र रात्री ९.३० वाजता मेहंदी सुकण्यापूर्वी तिने राहत्या घरात ओढणीच्या सहाय्याने गळफास घेऊन आत्महत्या केली. तीचे वडील दिलीप सकाटे हे महापालिकेच्या आरोग्य विभागात कर्मचारी आहेत. तीचे होणारे पती शिल्पकार असून उद्या विवाह संपन्न होणार होता. आत्महत्येमागील कारण समजू शकलं नाही. दरम्यान, पुढील तपास पोलिसांकडून केला जातो आहे.