शहरवासीयांना नाटकांची पर्वणी, २७ व ३० डिसेंबरला आयोजन

पिंपरी : शहराच्या सांस्कृतिक चळवळीत भर टाकणाऱ्या लोकमत सखी मंच आयोजित नाट्य महोत्सवाला बुधवारी सुरुवात झाली. रसिक प्रेक्षकांच्या उदंड प्रतिसादात महोत्सव सुरू झाला. सर्किट हाऊसला मोठा प्रतिसाद मिळाला.‘लोकमत’च्या वतीने औद्योगिकनगरीत नाट्य महोत्सव आयोजित करण्याची परंपरा सुरू केली आहे. चिंचवड येथील प्रा. रामकृष्ण मोरे प्रेक्षागृहात एचपी ज्वेलर्सप्रस्तुत आणि फॉर्च्युन वास्तुशिल्प डेव्हलपर्स यांच्या सहयोगाने आणि भाऊसाहेब भोईर मित्र परिवाराच्या सहकार्याने हा महोत्सव सुरू झाला. प्रारंभी लोकमतचे संस्थापक संपादक व ज्येष्ठ स्वातंत्र्यसेनानी जवाहरलालजी दर्डा यांच्या प्रतिमेचे पूजन करण्यात आले. या वेळी आयुक्त श्रावण हर्डीकर, प्रसिद्ध अभिनेते संजय नार्वेकर, भूषण कडू, पिंपरी-चिंचवड महिला बचत गट महासंघाच्या अध्यक्षा किरण भोईर, राणी पुतळाबाई लॉ कॉलेजचे संचालक अजय साळुंखे, ड्रीम व्हॅलीचे सुवर्णा विद्या, मकरंद पांडे, नितीन धिमधिमे आदी उपस्थित होते.लोकमतचे उपमुख्य उपसंपादक हणमंत पाटील यांनी प्रास्ताविक केले. प्रा. विक्रम काळे यांनी सूत्रसंचालन केले. आयुक्त हर्डीकर म्हणाले, ‘‘शहराच्या सांस्कृतिक चळवळीत भर टाकणारा नाट्य महोत्सव लोकमतने आयोजित केला आहे. कलाविषयक उपक्रमांना बळ देण्यासाठी महापालिकेच्या वतीने प्रयत्न केला जात आहे. नाट्यरसिकता वाढीस लावणारा उपक्रम आहे.’’उद्घाटनानंतर विजय केंकरे दिग्दर्शित आणि भूमिका थिएटर्सचे ‘सर्किट हाऊस’ हे नाटक सादर झाले. गुरुवारी सायंकाळी पाचला सुनील बर्वे प्रस्तुत आणि सुबकनिर्मित निपुण धर्माधिकारीदिग्दर्शित ‘अमर फोटो स्टुडिओ’ हे नाटक होईल. त्यात अमेय वाघ, सखी गोखले, पूजा ठोंबरे, सुव्रत जोशी यांच्या प्रमुख भूमिका आहे. रविवारी दुपारी १२ला सचिन गोस्वामीदिग्दर्शित एकदंत प्रकाशित ‘आमच्या ‘ही’चं प्रकरण’ हे नाटक होईल. त्यात निखिल रत्नपारखी, भार्गवी चिरमुले, नंदिता पाटकर, आनंद काळे यांच्या प्रमुख भूमिका आहेत.सुवर्णसखी योजना; तिकीटविक्री सुरू१लोकमत वाचकांसाठी प्रा. रामकृष्ण मोरे प्रेक्षागृह येथे तिकीटविक्री सुरू आहे. १०० रुपये प्रतिनाटक तिकीटदर आहे. लहान मुलांना प्रवेश नसून, प्रथम येणाºयास प्राधान्य असेल. यासह काही जागा निमंत्रितांसाठी राखीव असून, कार्यक्रमाचे सर्व हक्क आयोजकांकडे राखीव राहतील. अधिक माहितीसाठी ०२०-६७३४५६७८, ८३७८९९९७५९ या क्रमांकावर संपर्क साधावा, असे आवाहन केले आहे.२एचपी ज्वेलर्स हिंमतलाल पी. अ‍ॅण्ड ब्रदर्सप्रस्तुत लोकमत सखी मंच सुवर्ण सखी योजना २०१८ आयोजित केली आहे. यामध्ये सखी मंच सदस्यांना सोने व चांदीची लाखोंची बक्षिसे जिंकण्याची संधी उपलब्ध झाली आहे. हा लकी ड्रॉ जिल्हास्तरीय असून, पुणे, पिंपरी-चिंचवड आणि ग्रामीण विभागातून विजेता ठरणार आहे. पहिले बक्षीस एक लाखाचे सोन्याचे दागिने, दुसरे बक्षीस ७५ हजारांचे, तर तिसरे बक्षीस ५० हजारांचे सोन्याचे दागिने असे असेल.