पिंपरी : राज्याचे उपमुख्यमंत्री अजित पवार हे शिंदे- फडणवीस सरकारमध्ये सामील झाल्यानंतर पहिल्यांदाच पिंपरी-चिंचवड शहरामध्ये आले. राष्ट्रवादीचे कार्यकर्ते आणि पदाधिकाऱ्यांनी मोठ्या जल्लोषात त्यांचे स्वागत केले. पुष्पांची उधळण आणि सोलापूरवरून मागवण्यात आलेला भला मोठा साडेपाचशे किलोच्या पुष्पहाराने रावेत मुकाई चौकात अजित पवार यांचे स्वागत करण्यात आले. आज दिवसभर अजित पवार हे पिंपरी-चिंचवड दौऱ्यावर आहेत. दुपारी दोन वाजता राष्ट्रवादी कार्यकर्त्यांचा मेळाव्याला ते कार्यकर्त्यांना संबोधित करतील.
पिंपरी- चिंचवड शहर हा गेली काही वर्षे अजित पवारांचा यांचा बालेकिल्ला मानला जात होता. गेली काही वर्ष इथे भाजपाने जम बसवला आहे, पिंपरी चिंडवड महानगरपालिकाही भाजपाच्याच ताब्यात आहे. आता अजित पवार हे भाजपाबरोबर सत्तेत सहभागी झाल्याने स्थानिक राजकीय समीकरणे पुर्णपणे बदलली आहेत. त्यातच या शहरामध्ये देखील अजित पवार गट आणि शरद पवार गट बघायला मिळत आहे.
पाच वर्षांचा कालावधी संपल्याने पिंपरी चिंचवड महानगरपालिकेची निवडणूक होणे बाकी आहे. असे असतांना आता या शहरांत अजित पवार काय राजकीय भूमिका याकडे सर्वांचे लक्ष लागले आहे.