पिंपरी : शिवीगाळ करताना हटकले म्हणून तरुणाला हातोडीने व स्क्रू ड्रायव्हरने मारहाण केली. ही घटना सोमवारी (दि.१९) दत्तनगर, थेरगाव येथे घडली. याप्रकरणी आनंद तुकाराम चव्हाण (वय ३२ रा.थेरगाव) यांनी वाकड पोलिस ठाण्यात फिर्याद दिली आहे. त्यानुसार, राहुल शेऊ पवार (३३ रा.थेरगाव) याच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी त्यांच्या गाडीचे पंक्चर काढण्यासाठी टायर्सच्या दुकानात गेले होते. यावेळी आरोपी देखील त्याचा छोटा टॅम्पो घेऊन आला. यावेळी त्याने तेथील कामगाराला हवा बघ म्हणत शिवीगाळ केली. यावेळी फिर्यादी यांनी शिवीगाळ का करतोस, असे विचारले असता याचा राग येऊन आरोपीने फिर्यादीला शिवीगाळ करत पंक्चरच्या दुकानातील हातोड्याने व स्क्रू ड्रायवरने मारहाण करत जखमी केले.