ठळक मुद्देनिगडीहून किवळे येथे जात असताना मुख्य रस्त्यावर अचानक पलटी झाली बसवाहक-चालकासह बसमधील ६ प्रवासी जखमी
देहूरोड : पुणे-मुंबई राष्ट्रीय महामार्ग क्रमांक चारवर निगडी-किवळे मार्गावर धावणारी पीएमपीएमएल बस केंद्रीय विद्यालयाजवळ पलटी होऊन चालक, वाहकासह आठ प्रवासी जखमी झाल्याची माहिती आहे. अपघात सोमवारी दुपारी साडेबाराच्या सुमारास घडला आहे. प्रत्यक्षदर्शीकडून मिळालेल्या माहितीनुसार, पीएमपी बस (एमएच १२ सीएच ३९८६) निगडीहून किवळे येथे जात असताना मुख्य रस्त्यावर अचानक पलटी झाली. अपघातात बसचा चालक रामदास बांदल (वय ५५) व वाहक श्याम पाटील (वय ५०) यांना उपचारासाठी पिंपरीतील यशवंतराव चव्हाण रुग्णालय येथे उपचारासाठी दाखल करण्यात आले आहे. बसमधील आणखी सहा प्रवासी किरकोळ जखमी असून त्यांची नावे समजू शकली नाहीत.