जिम किंवा एक्सरसाईज नाही, फक्त ३० मिनिटं चाला; 'या' धोकादायक आजारांपासून सुटका

1 / 11

चालणं हे शरीरासाठी अत्यंत महत्त्वाचं आहे. दिवसातून फक्त ३० मिनिटं चालण्याने तुम्ही स्वतःला निरोगी ठेवू शकता. आपलं आरोग्य सुधारण्यासाठी चालणं हा एक उत्तम मार्ग आहे.

2 / 11

चालण्यामुळे हृदयरोग, टाइप २ मधुमेह, ऑस्टियोपोरोसिस इत्यादी अनेक गंभीर आजारांचा धोका कमी होऊ शकतो. याव्यतिरिक्त चालण्यामुळे स्नायू मजबूत होतात. चालण्याचे आणखी फायदे जाणून घेऊया...

3 / 11

दररोज चालण्याने हृदयाचं आरोग्य सुधारतं. ब्लड फ्लो चांगला होतो आणि ब्लड प्रेशर नियंत्रित करण्यास मदत होते. चालण्यामुळे कोलेस्ट्रॉलची पातळी देखील नियंत्रित होते, ज्यामुळे हृदयरोगाचा धोका कमी होतो.

4 / 11

चालण्यामुळे शुगर लेव्हल नियंत्रित राहण्यास मदत होते. हे शरीराची इन्सुलिन सेन्सेटिव्हिटी वाढवते, ज्यामुळे टाइप २ मधुमेहाचा धोका कमी होतो.

5 / 11

चालणं हा एक उत्तम कार्डिओ व्यायाम आहे, जो कॅलरीज बर्न करण्यास मदत करतो. नियमित चालण्याने शरीरातील चरबी कमी होते आणि वजन कमी होण्यास मदत होते.

6 / 11

चालण्यामुळे ताण, चिंता आणि नैराश्य कमी होतं. हे मेंदूमध्ये एंडोर्फिन सोडतं, ज्यामुळे मानसिक स्थिती सुधारते आणि आनंदाची भावना निर्माण होते.

7 / 11

चालण्यामुळे हाडं मजबूत होतात आणि सांधेदुखीपासून आराम मिळतो. हे ऑस्टियोपोरोसिसचा धोका कमी करण्यास मदत करतं.

8 / 11

नियमित चालण्यामुळे पचनसंस्था चांगली कार्य करण्यास मदत होते आणि बद्धकोष्ठतासारख्या समस्यांपासून आराम मिळतो.

9 / 11

चालण्यामुळे शरीराच्या विविध भागांमध्ये रक्तप्रवाह वाढतो, ज्यामुळे शरीराच्या सर्व भागांना ऑक्सिजन आणि पोषक तत्वे मिळतात.

10 / 11

चालताना आरामदायी शूज घालणं महत्त्वाचं आहे. जर तुम्ही हे केलं नाही तर तुम्हाला तुमच्या पायांशी संबंधित समस्यांना सामोरं जावं लागू शकतं.

11 / 11

जर तुम्ही आधी चालत नसाल, तर हळूहळू सुरुवात करा आणि कालांतराने तुमचा वेग आणि चालण्याचा वेळ वाढवा. तसेच, चालताना हायड्रेटेड राहणं महत्त्वाचं आहे. म्हणून पाणी पित राहा.