दसऱ्याआधी मोदी सरकार करणार सर्वात मोठी घोषणा; जोरदार तयारी सुरू

1 / 11

कोरोना संकटामुळे देशाची अर्थव्यवस्था संकटात सापडली आहे. लाखो लोकांनी रोजगार गमावला आहे.

2 / 11

गेल्या तिमाहीत जीडीपीमध्ये २३.९ टक्क्यांची घसरण पाहायला मिळाली. त्यामुळे परिस्थिती सुधारण्यासाठी सरकारला महत्त्वाचे आणि मोठे निर्णय घ्यावे लागणार आहेत.

3 / 11

अर्थव्यवस्था रुळावर आणण्यासाठी मोदी सरकारनं आत्मनिर्भर भारत पॅकेज, पीएम गरीब कल्याण पॅकेजची घोषणा केली. मात्र तरीही अर्थव्यवस्थेचा गाडा रुळावर आलेला नाही.

4 / 11

त्यामुळे आता मोदी सरकार आतापर्यंतच्या सर्वात मोठ्या आर्थिक प्रोत्साहन पॅकेजची घोषणा करणार आहे.

5 / 11

मोदी सरकार सण उत्सवांचा आरंभ होण्यापूर्वी आर्थिक प्रोत्साहन पॅकेजची घोषणा करणार असल्याचं वृत्त मनी कंट्रोलनं दिलं आहे. हे पॅकेज आत्मनिर्भर भारत पॅकेज आणि पीएम गरीब कल्याण पॅकेजपेक्षा मोठं असेल.

6 / 11

केंद्र सरकारकडून ३५ हजार कोटींच्या प्रोत्साहन पॅकेजची घोषणा करू शकतं, अशी माहिती एका वरिष्ठ अधिकाऱ्यानं दिली. शहर आणि ग्रामीण भागांतल्या नोकऱ्या या पॅकेजच्या केंद्रस्थानी असतील.

7 / 11

आतापर्यंतच्या सर्वात मोठ्या आर्थिक प्रोत्साहन पॅकेजमध्ये शहरी, ग्रामीण भागातील रोजगार मोठे पायाभूत प्रकल्प, शेतकऱ्यांसाठीच्या नव्या योजना यावर विशेष भर असेल.

8 / 11

जनतेच्या हाती अधिक रोकड कशी जाईल, याचा विचार पॅकेजमध्ये केला जाईल. सरकारला यंदाच्या वर्षात किमान २५ मोठे प्रकल्प पूर्ण करायचे आहेत. या माध्यमातून लोकांना रोजगार मिळेल, असा सरकारचा विचार आहे.

9 / 11

दसऱ्याच्या आधी सरकारकडून आर्थिक प्रोत्साहन पॅकेजची घोषणा करण्यात येईल. अर्थव्यवस्थेला चालना देण्यात हे पॅकेज महत्त्वाची भूमिका बजावेल, अशी सरकारला आशा आहे.

10 / 11

सणासुदीच्या काळात लोकांकडून खरेदी केली जाते. त्यामुळे ऑक्टोबर-डिसेंबर हा कालावधी ऑटोमोबाईल क्षेत्र आणि इलेक्ट्रॉनिक उपकरणांची निर्मिती करणाऱ्या कंपन्यांसाठी महत्त्वाचा आहे.

11 / 11

ऑटोमोबाईल आणि इलेक्ट्रॉनिक क्षेत्रांना चालना मिळाल्यास त्याचा अर्थव्यवस्थेला फायदा होईल, असा सरकारचा विचार आहे. त्यामुळे सण उत्सवांना सुरुवात होण्यापूर्वीच सरकार आर्थिक प्रोत्साहन पॅकेजची घोषणा करणार आहे.