IndiGo : विमान ४० मिनिटे हवेत फिरत राहिले, तिरुपतीहून हैदराबादला जाणाऱ्या इंडिगो विमानाचे आपत्कालीन लँडिंग

1 / 9

आंध्र प्रदेशातील तिरुपतीहून तेलंगणाची राजधानी हैदराबादला जाणाऱ्या इंडिगोच्या विमानात अचानक बिघाड झाला.

2 / 9

तिरुपतीहून उड्डाण घेतल्यानंतर विमान सुमारे ४० मिनिटे आकाशात घिरट्या घालत राहिले आणि नंतर विमानाचे तिरुपतीमध्येच आपत्कालीन लँडिंग करावे लागले.

3 / 9

विमानात तांत्रिक बिघाड झाल्यानंतर ते हैदराबादकडे नेण्यात आले नाही. यावेळी विमानात असलेले प्रवासीही खूप घाबरले होते. ४० मिनिटांनंतर विमान तिरुपतीमध्ये सुरक्षितपणे उतरवण्यात आले.

4 / 9

तिरुपतीहून हैदराबादला जाणाऱ्या इंडिगो एअरबस फ्लाइट A321neo ने रविवारी संध्याकाळी ७.४२ वाजता तिरुपती विमानतळावरून उड्डाण केले. एअर ट्रॅफिक ट्रॅकिंग वेबसाइट Flightradar24 नुसार, उड्डाणानंतर सुमारे ४० मिनिटांनी, रात्री ८.३४ वाजता तिरुपती विमानतळावर विमान परत उतरवण्यात आले.

5 / 9

फ्लाईटराडार24 नुसार, विमान तिरुपतीतील वेंकटनगरीला गेले आणि तिथून यू-टर्न घेतला. यानंतर, विमान ४० मिनिटे हवेत घिरट्या घालत राहिले आणि त्यानंतर विमान तिरुपती विमानतळावर सुरक्षितपणे उतरले.

6 / 9

इंडिगोच्या वेबसाइटनुसार, विमानाने तिरुपतीहून संध्याकाळी ७.२० वाजता उड्डाण केले आणि हैदराबादला रात्री ८.३० वाजता पोहोचले.

7 / 9

तिरुपतीहून हैदराबादला जाणारी शेवटची विमानसेवा रद्द करण्यात आली.

8 / 9

विमान रद्द झाल्यानंतर प्रवाशांमध्ये संतापाची लाट उसळली. सोशल मीडियावर अनेक व्हिडीओ समोर आले आहेत. यामध्ये प्रवाशी इंडिगो एअरलाइन्सच्या कर्मचाऱ्यांशी वाद घालत आहेत.

9 / 9

इंडिगोने अजूनही विमानाशी संबंधित कोणतीही औपचारिक माहिती शेअर केलेली नाही.