1 / 7जपानचे माजी पंतप्रधान आणि भारताचे मित्र शिंजो आबे यांचे आज निधन झाले. त्यांची मेरीटाइम सेल्फ डिफेंस फोर्ससाठी एकेकाळी काम करणाऱ्या जवानाने हत्या केली. 2 / 7शिंजो आबे नारा शहरात भाषण देत होते. यावेळी हल्लेखोराने त्यांच्यावर पाठीमागून दोन गोळ्या झाडल्या. गोळ्या लागताच शिंजो आबे धाडकन खाली कोसळले. कोणाला काही कळायच्या आत आवाज आणि त्यांच्या मागे धूर दिसत होता. 3 / 7शिंजो आबे यांना यानंतर हृदयविकाराच झटका देखील आल्याचे सांगितले जात आहे. स्थानिक अधिकाऱ्यांना आबे यांना तातडीने विमानाने एका हॉस्पिटलमध्ये हलविले. यावेळी त्यांचा श्वासोश्वास सुरु नव्हता, तसेच हृदयाची धडधडही थांबली होती.4 / 7आबे यांना गोळी मारल्यानंतर ह्ल्लेखोराने तेथून पलायन करण्याचा प्रयत्न केला. मात्र, तेथे उपस्थित सुरक्षा रक्षकांनी त्याला ताब्यात घेतले. 5 / 7आबे यांनी २०२० मध्ये पंतप्रधान पद सोडले होते. ते गेल्या काही काळापासून आजारी होते. जपानचे ते सर्वाधिक काळ असलेले पंतप्रधान होते. 6 / 7आबे यांच्यावर हल्ला करणारा तेत्सुया यामागामी याला अटक करण्याता आली असून तो आबे यांच्यावर नाराज होता., असे चौकशीतून समोर आले आहे. तसेच घटनास्थळावरून एक हँडमेड गन ताब्यात घेण्यात आली आहे. 7 / 7जपानमध्ये निवडणुका होणार आहेत. यामध्ये ते संभाव्य उमेदवाराच्या प्रचारासाठी आले होते. लिबरल डेमोक्रेटिक पार्टीनुसार गुरुवारी रात्री हा कार्यक्रम ठरला होता. त्यानंतर त्य़ाची माहिती कार्यकर्त्यांना देण्यात आली होती.