संक्रमित कांदा खाल्ल्यानं यूएसमध्ये अनेकजण आजारी; आतापर्यंत ६० जण रुग्णालयात दाखल

1 / 10

अमेरिकेच्या बर्‍याच राज्यांत विषबाधेमुळे कमीतकमी ४०० लोक बळी पडले आहेत. त्याचवेळी कॅनडामध्येही अशीच काही प्रकरणे समोर आली आहेत.

2 / 10

सीएनएनच्या अहवालानुसार सुमारे ६० लोकांना रुग्णालयात दाखल करावे लागले आहे.

3 / 10

एका कंपनीकडून पुरवण्यात आलेल्या कांद्यामुळे हा प्रकार घडल्याचं बोललं जात आहे, हा कांदा खाल्लाने लोक आजारी पडले आहेत.

4 / 10

अहवालानुसार अमेरिकेतील ३१ राज्यांतील लोक Salmonella विषबाधाचे बळी ठरले आहेत. थॉमसन इंटरनॅशनल नावाच्या कंपनीचा कांदा पुरवठा याला जबाबदार असल्याचे मानले जाते.

5 / 10

संबंधित कंपनीने म्हटले आहे की तपासणी दरम्यान लाल कांद्यामुळे लोकांना संसर्ग झाला होता हे दिसून आले परंतु दुकानातून सर्व प्रकारची कांदा कंपनी परत मागवत आहे.

6 / 10

Salmonella संक्रमणास ग्रस्त असलेल्या लोकांमध्ये सामान्यत: अतिसार, ताप, पोटात वेदना यासारख्या समस्या उद्भवू शकतात. ही लक्षणे संसर्ग झाल्यानंतर ६ तास ते ६ दिवसांपर्यंत उद्भवू शकतात.

7 / 10

लोक सहसा ४ ते ७ दिवस आजारी राहतात. ५ वर्षाखालील मुले आणि ६५ वर्षांवरील लोक तुलनात्मकदृष्ट्या जास्त आजारी पडतात.

8 / 10

काही प्रकरणांमध्ये आतड्यांनंतर salmonella संसर्ग शरीराच्या इतर भागात देखील पसरू शकतो, ज्यामुळे रुग्णालयात दाखल करणे आवश्यक होते.

9 / 10

या वेळी अमेरिकेत, साल्मोनेला बॅक्टेरियाच्या संसर्गाची सुरुवात १९ जून ते ११ जुलै दरम्यान झाली.

10 / 10

अमेरिकेच्या फूड अ‍ॅण्ड ड्रग .डमिनिस्ट्रेशनचे म्हणणे आहे की कांदा व्यतिरिक्त इतर कोणत्याही उत्पादनांनी हा संसर्ग पसरला आहे की नाही याचा शोध घेण्यासाठी एजन्सी प्रयत्न करीत आहे.