श्रीमंतांची नवी यादी जाहीर! अंबानींची टॉप-15 मध्ये एन्ट्री, अदानी खूप मागे पडले; पाहा...

1 / 5

World's Top Billionaires : अमेरिकेचे राष्ट्राध्यक्ष डोनाल्ड ट्रम्प यांच्या टॅरिफ वॉरमुळे जगभरातील शेअर बाजारांमध्ये चढ-उतार पाहायला मिळाला, यामुळे जगभरातील अब्जाधीशांच्या संपत्तीतही घट झाली. पण, आता ट्रम्प यांनी मवाळ भुमिका घेतल्यामुळे श्रीमंतांच्या संपत्तीत पुन्हा वाढ होताना दिसत आहे. टॉप अब्जाधीशांच्या यादीत समाविष्ट असलेल्या श्रीमंत भारतीयांबद्दल बोलायचे झाले तर, रिलायन्सचे अध्यक्ष मुकेश अंबानी यांच्या एकूण संपत्तीत गेल्या दोन दिवसांत झपाट्याने वाढ झाली असून, ते पुन्हा एकदा 100 अब्ज डॉलर्सच्या क्लबमध्ये सामील झाले आहेत. पण दुसरीकडे, गौतम अदानी हे संपत्तीच्या बाबतीत अंबानींपेक्षा खूप मागे पडले आहेत.

2 / 5

अंबानी पुन्हा 100 अब्ज डॉलर्सच्या क्लबमध्ये - जागतिक व्यापार युद्धाच्या तणावामुळे श्रीमंतांच्या संपत्तीत मोठी घसरण पाहायला मिळाली. पण, आता जागतिक परिस्थिती हळुहळू सुधारत असल्यामुळे श्रीमंतांच्या संपत्तीतही वाढ होताना दिसत आहे. जर आपण जगातील अब्जाधीशांच्या यादीतील ताज्या बदलांवर नजर टाकली, तर मुकेश अंबानी यांच्या एकूण संपत्तीत मोठी वाढ झाली आहे. फोर्ब्स रिअल टाईम बिलियनेअर्स इंडेक्सनुसार, रिलायन्सच्या अध्यक्षांची संपत्ती 100 अब्ज डॉलर्सच्या पुढे गेली आहे. ताज्या अपडेटनुसार, त्यांची एकूण संपत्ती 105.9 अब्ज डॉलर्सवर पोहोचली आहे. संपत्तीतील या वाढीमुळे, अंबानी आता टॉप-15 श्रीमंतांच्या यादीत दाखल झाले असून, ते सध्या 14 व्या क्रमांकावर आहेत.

3 / 5

अंबानी आणि अदानी यांच्यात खूप अंतर - 4 मार्च रोजी मुकेश अंबानी यांची एकूण संपत्ती 81 अब्ज डॉलर्सपर्यंत घसरली होती, परंतु त्यानंतर भारतीय बाजारपेठेत झालेल्या सुधारणांमुळे त्यांच्या संपत्तीत मोठी वाढ झाली आहे. फोर्ब्सच्या यादीनुसार, रिलायन्सच्या शेअर्समध्ये सतत वाढ झाल्यामुळे मुकेश अंबानी यांच्या संपत्तीत वाढ झाली आहे. तर, भारतीय गौतम अदानी अंबानींपेक्षा खूप मागे राहिले आहेत. जर आपण या दोघांच्या संपत्तीतील तफावत पाहिली, तर ती 44 अब्ज डॉलर्सपर्यंत पोहोचली आहे. अदानी समूहाचे अध्यक्ष गौतम अदानी यांची सध्याची एकूण संपत्ती $61.9 अब्ज आहे.

4 / 5

अंबानी बिल गेट्सपेक्षा खूप मागे - मुकेश अंबानी यांच्या संपत्तीतील या वाढीमुळे ते मायक्रोसॉफ्टचे सह-संस्थापक बिल गेट्स यांच्यापेक्षा थोडेच मागे आहेत. फोर्ब्सच्या मते, बिल गेट्सची एकूण संपत्ती 109.2 अब्ज डॉलर्स आहे. त्यामुळे दोन अब्जाधीशांमधील संपत्तीतील तफावत आता फक्त $3.3 अब्ज राहिली आहे.

5 / 5

टॉप 3 अब्जाधीशांची संपत्ती - जर आपण जगातील टॉप अब्जाधीशांच्या यादीतील बदलांवर नजर टाकली तर टेस्ला आणि स्पेसएक्स सारख्या कंपन्यांचे मालक इलॉन मस्क हे यादीत अव्वल स्थानावर कायम आहेत. इलॉन मस्कची एकूण संपत्ती $292.1 अब्ज आहे. तर, जगातील दुसऱ्या क्रमांकाचे श्रीमंत व्यक्ती अमेझॉनचे जेफ बेझोस आहेत आणि जेफ बेझोस यांची एकूण संपत्ती $204.3 अब्ज आहे. याशिवाय, फेसबुकची मूळ कंपनी मेटाचे सीईओ मार्क झुकरबर्ग तिसऱ्या स्थानावर आहेत. मार्क झुकरबर्गची एकूण संपत्ती 191.9 अब्ज डॉलर्स आहे.