1 / 7मिस वर्ल्ड २०२५ चा ग्रँड फिनाले ३१ मे रोजी म्हणजेच आज तेलंगणात रंगणार आहे. बिझनेस लीडर सुधा रेड्डी यांनी मिस वर्ल्ड २०२५ मधील सर्व १०८ स्पर्धक आणि स्पर्धेच्या सीईओ ज्युलिया मोर्ले यांच्यासाठी मोन अमौर पॅलेस या भव्य खासगी निवासस्थानाचे दरवाजे उघडले आहेत. सुधा रेड्डी या हैदराबादच्या बिझनेसवूमन आहेत. कृष्णा रेड्डी यांच्या पत्नी आहेत.2 / 7तेलंगणाची समृद्ध संस्कृती, आदरातिथ्य आणि जागतिक मानवतावादी कार्याप्रती दृढ बांधिलकीच्या पार्श्वभूमीवर 'ब्युटी विथ अ पर्पज गाला' ज्याची थीम 'मिडनाईट पर्ल्स' ही अतिशय काळजीपूर्वक आखण्यात आली होती. प्रभाव पाडण्यासाठी सर्व स्पर्धक सजूनधजून आल्या होत्या, पण सुधा यांची स्टाईल आणि फॅशन वेगळी होती.3 / 7पी.व्ही. कृष्णा रेड्डी हे मेघा इंजिनिअरिंग अँड इन्फ्रास्ट्रक्चर या खाजगी कंपनीचे व्यवस्थापकीय संचालक आहेत. फोर्ब्सनुसार, पी.व्ही. कृष्णा रेड्डी यांची रिअल-टाइम संपत्ती २.२ अब्ज डॉलर्स (सुमारे ₹१८,३७० कोटी) आहे. फोर्ब्सच्या २०२५ च्या जगातील सर्वात श्रीमंत व्यक्तींच्या यादीत ते १६८८ व्या क्रमांकावर आहेत.4 / 7व्यावसायिक, उद्योजिका, परोपकारी आणि फॅशन तसंच कलेची जाण असलेल्या रेड्डी यांनी कॉर्पोरेट जगात स्वतःचं नाव कमावले आहे.5 / 7सुधा यांचा विवाह १९ व्या वर्षी कृष्णा रेड्डी यांच्यासोबत झाला. त्यांच्या पतीनं काही वर्षांपूर्वी मेघा इंजिनिअरिंग अँड इन्फ्रास्ट्रक्चर (MEIL) हा स्वतःचा व्यवसाय सुरू केला होता. त्यांनी MEIL चा चढता आलेख आपल्या डोळ्यांसमोर पाहिला आणि आज तो छोटा व्यवसाय एक मोठा व्यवसाय बनला आहे.6 / 7सुधा या सुरुवातीला परोपकारी आणि सामाजिक कल्याणकारी उपक्रमांवर लक्ष केंद्रित करत होत्या, परंतु MEIL च्या CSR उपक्रमांमधील त्यांच्या सहभागामुळे तिला व्यवसायाच्या विविध पैलूंशी परिचित करून दिलं. CSR प्रकल्पांमध्ये त्या जसजशी खोलवर गेल्या तसतसं त्यांना एक सुव्यवस्थित आणि जबाबदार व्यवसाय समाजावर किती महत्त्वपूर्ण परिणाम करू शकतो हे जाणवलं. या अनुभवामुळे त्यांना कंपनी चालवण्याच्या व्यापक पैलूंमध्ये रस निर्माण झाला, ज्यामध्ये धोरणात्मक नियोजन, ऑपरेशन्स आणि व्यवस्थापन यांचा समावेश आहे.7 / 7सुधा यांना २०२१ मध्ये यंग इंडियन वुमन अचिव्हर्स अंडर ४५ पुरस्कार आणि २०२३ मध्ये एशियावन मॅगझिननं वुमन पायोनियर ऑफ द इयर पुरस्कारानं सन्मानित करण्यात आलंय. २०२३ मध्ये तिला टायकून ग्लोबल मीडिया अँड मॅगझिन: डिसेंबर कव्हर पर्सनॅलिटी आणि ईटी नाऊच्या लीडर्स ऑफ टुमारोच्या सीझन १० मध्ये देखील स्थान देण्यात आलं होतं.