Investment Plan : केवळ एका वर्षासाठी गुंतवणूक करायचीये? 'हे' ५ पर्याय देऊ शकतात तुम्हाला जबरदस्त रिटर्न, जाणून घ्या

1 / 8

गुंतवणुकीच्या जगात नेहमी एक गोष्ट सांगितली जाते की, आपले पैसे शॉर्ट टर्म आणि लॉंग टर्म अशा दोन्ही उद्दिष्टांनुसार गुंतवले पाहिजेत. याचं कारण स्पष्ट आहे; जेव्हा अचानक पैशांची गरज पडते, तेव्हा तुम्हाला तुमची दीर्घकालीन गुंतवणूक मोडण्याची गरज लागू नये. अशा वेळी शॉर्ट टर्म इन्व्हेस्टमेंट खूप कामी येतात.

2 / 8

जर तुम्हालाही केवळ १ वर्ष किंवा त्यापेक्षा कमी कालावधीसाठी पैसे गुंतवायचे असतील आणि सुरक्षिततेसोबतच ठीकठाक नफाही हवा असेल, तर बाजारात तुमच्यासाठी अनेक पर्याय उपलब्ध आहेत. येथे आम्ही तुम्हाला अशा ५ शॉर्ट टर्म गुंतवणूक पर्यायांबद्दल सांगत आहोत, जे कमी वेळेत चांगला परतावा देण्याची क्षमता ठेवतात.

3 / 8

जर तुम्ही एकाच वेळी मोठी रक्कम गुंतवू शकत नसाल आणि दरमहा थोडी-थोडी रक्कम जोडू इच्छित असाल, तर रेकरिंग डिपॉझिट तुमच्यासाठी योग्य पर्याय आहे. RD अगदी एका पिगी बँकप्रमाणे काम करतं, यामध्ये दरमहा एक ठराविक रक्कम जमा करावी लागते. कालावधी पूर्ण झाल्यावर तुम्हाला एकूण जमा रकमेसह व्याजही मिळते. आरडी तुम्ही १ वर्ष किंवा त्यापेक्षा जास्त कालावधीसाठी करू शकता. जवळपास सर्व बँकांमध्ये ही सुविधा मिळते. गुंतवणुकीपूर्वी वेगवेगळ्या बँकांच्या व्याजदरांची तुलना नक्की करून घ्या.

4 / 8

एकरकमी रक्कम गुंतवणाऱ्यांसाठी बँक एफडी हा सर्वात विश्वासार्ह पर्याय मानला जातो. तुम्ही कोणत्याही बँकेत ७ दिवसांपासून ते १० वर्षांपर्यंतची एफडी करू शकता. जर तुम्हाला शॉर्ट टर्मसाठी गुंतवणूक करायची असेल, तर १ वर्षाची एफडी हा एक चांगला पर्याय असू शकतो. पोस्ट ऑफिसमध्येही १ ते ५ वर्षांच्या एफडीची सुविधा मिळते. एफडी करण्यापूर्वी बँक आणि पोस्ट ऑफिस या दोन्ही ठिकाणच्या व्याजदरांची तुलना नक्की करा, जेणेकरून चांगला परतावा मिळू शकेल.

5 / 8

जर तुम्हाला १२ महिन्यांसाठी गुंतवणूक करायची असेल आणि FD पेक्षा थोडा चांगला परतावा हवा असेल, तर डेट म्युच्युअल फंड हा एक पर्याय असू शकतो. डेट फंडमध्ये पैसे सरकारी बाँड्स आणि डेट सिक्युरिटीजसारख्या सुरक्षित साधनांमध्ये गुंतवले जातात. या फंडांची सहसा ठराविक मॅच्युरिटी असते. यात जोखीम कमी असते आणि परतावा एफडीपेक्षा थोडा चांगला मिळू शकतो, मात्र हा पूर्णपणे गॅरंटीड नसतो.

6 / 8

शॉर्ट टर्मसाठी एसआयपी (SIP) देखील सुरू केली जाऊ शकते. यामध्ये तुम्ही तुमच्या सोयीनुसार दरमहा एक ठराविक रक्कम गुंतवू शकता. गरज पडल्यास एसआयपी कधीही बंद केली जाऊ शकते आणि पैसे काढले जाऊ शकतात. एसआयपी मार्केटशी संबंधित असते, त्यामुळे यात जोखीम असते. तज्ज्ञ सरासरी १२% परतावा मानतात, परंतु यात परताव्याची कोणतीही हमी नसते. अशा परिस्थितीत जोखीम समजून घेऊनच एसआयपीमध्ये गुंतवणूक करा. सहसा तज्ज्ञ लाँग टर्म एसआयपीचा सल्ला देतात.

7 / 8

एकरकमी रक्कम जमा करण्यासाठी कॉर्पोरेट एफडी देखील एक चांगला पर्याय आहे. अनेक मोठ्या कंपन्या आपल्या व्यवसायासाठी पैसे उभे करण्यासाठी कॉर्पोरेट एफडी जारी करतात. हे बँक एफडीप्रमाणेच काम करते, परंतु यात व्याजदर सहसा जास्त असतो. कॉर्पोरेट एफडीमध्ये जोखीम बँक एफडीपेक्षा थोडी जास्त असते. मात्र, जर तुम्ही चांगली रेटिंग असलेल्या मजबूत कंपनीची FD निवडली, तर जोखीम बऱ्याच अंशी कमी होते. सहसा १ ते ५ वर्षांच्या कालावधीवर ८% ते १०% पर्यंत व्याज ऑफर केले जाऊ शकते.

8 / 8

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)