₹१७०० घेऊन गाझियाबादवरून अमेरिकेला पोहोचले; आज झुकरबर्ग, सुंदर पिचाईंपेक्षाही अधिक आहे सॅलरी

1 / 8

अमेरिकेतील प्रसिद्ध वृत्तपत्र द वॉल स्ट्रीट जर्नलने २०२३ मध्ये सर्वाधिक पगार घेणाऱ्या सीईओंची यादी जाहीर केली, त्यात निकेश अरोरा यांचं नावही आघाडीवर होतं. ते सायबर सिक्युरिटी कंपनी पालो अल्टो नेटवर्क्सचे सीईओ आहेत. त्यांनी १५१.४३ मिलियन डॉलर्सची कमाई केली आणि दुसरं स्थान मिळवलं होतं.

2 / 8

त्यांची कमाई मेटा प्लॅटफॉर्मचे सीईओ मार्क झुकेरबर्ग (२४.४० मिलियन डॉलर) आणि गुगलचे सुंदर पिचाई (८.८ मिलियन डॉलर) यांच्यापेक्षा कितीतरी जास्त होती. त्याच्या यशामागे एक कथा आहे. ही कहाणी कठोर परिश्रम, नकार आणि नम्र सुरुवातीपासून जगातील सर्वात मोठ्या तंत्रज्ञान उद्योगाच्या शिखरावर पोहोचण्याची आहे.

3 / 8

ह्युमन्स ऑफ बॉम्बेशी बोलताना अरोरा यांनी आपल्या आयुष्याबद्दल मोकळेपणानं भाष्य केलं. गाझियाबादमधील एका सामान्य कुटुंबापासून सुरुवात करून ते जगातील सर्वात मोठ्या सायबर सिक्युरिटी कंपन्यांचे सीईओ कसे बनले हे त्यांनी स्पष्ट केलं. निकेश अरोरा यांचा जन्म उत्तर प्रदेशातील गाझियाबाद येथे झाला.

4 / 8

निकेश अरोरा यांचे वडील भारतीय हवाई दलात होते. त्यामुळे त्यांच्या कुटुंबाला शिस्त लागली होती. त्यांच्या वडिलांची बदली होत राहायची. त्यामुळे त्यांना लहानपणापासूनच वेगवेगळ्या ठिकाणी राहण्याची सवय लागली. यामुळे त्यांच्यात बदलांशी जुळवून घेणं, प्रामाणिकपणा असे गुण रुजले. त्यांनी एअरफोर्स स्कूलमध्ये शिक्षण घेतलं. त्यानंतर आयआयटी-बीएचयूमधून इंजिनीअरिंगचं शिक्षण घेतलं.

5 / 8

त्यांच्या कुटुंबाची आर्थिक परिस्थिती चांगली नव्हती. तरीही पुढील शिक्षणासाठी त्यांनी अमेरिकेला जाण्याचा निर्णय घेतला. त्याच्याकडे फक्त १०० डॉलर (१९९० मध्ये सुमारे १७०० रुपये) होते. ज्या विद्यापीठांनी अर्जाचं शुल्क माफ केलं होतं, त्या विद्यापीठांकडे त्यांनी अर्ज केला. बोस्टनच्या नॉर्थईस्टर्न युनिव्हर्सिटीने १९९० मध्ये त्यांना शिष्यवृत्ती दिली. कॉम्प्युटर सायन्स शिकवण्याची संधीही त्यांना मिळाली.

6 / 8

ग्रॅज्युएशन नंतर अरोरा यांना अत्यंत कठीण परिस्थितीला सामोरे जावं लागलं. ४०० हून अधिक कंपन्यांनी त्यांना नोकरी देण्यास नकार दिला. त्यांनी प्रत्येक ठिकाणी मिळलेलं रिजेक्शन लेटर आपल्याकडे सांभाळून ठेवलं. त्यांचा त्यांनी प्रेरणा म्हणून वापर केला. १९९२ मध्ये त्यांना फिडेलिटी इन्व्हेस्टमेंटमध्ये नोकरी मिळाली. त्यांनी एंट्री लेव्हल पदांपासून सुरुवात केली. त्यानंतर ते फिडेलिटी टेक्नॉलॉजीजचे उपाध्यक्ष झाले. पुढे फायनान्स आणि सीएफए सर्टिफिकेशनमध्ये एम.एस. त्यामुळे त्यांना अनेक पर्याय मिळाले. सीएफए अभ्यासक्रम शिकवत असताना त्यांना गुगलमध्ये नोकरीची संधी मिळाली.

7 / 8

अरोरा २००४ मध्ये गुगलमध्ये रुजू झाले. गुगलच्या आयपीओनंतर काही महिन्यांनंतरची ही गोष्ट आहे. पुढील १० वर्षांत त्यांनी गुगलचं उत्पन्न २ अब्ज डॉलरवरून ६० अब्ज डॉलरपर्यंत वाढविण्यात मदत केली. २०१४ मध्ये एका नव्या चॅलेंजच्या शोधात त्यांनी गुगल सोडलं. सॉफ्टबँकमध्ये त्यांना हे आव्हान मिळालं. तेथे त्यांनी प्रेसिडेंट अध्यक्ष आणि सीओओ म्हणून काम पाहिले. तिथे त्यांना बरंच काही शिकायला मिळालं. खराब गुंतवणुकीपासून कधी दूर राहावं हे ते त्या ठिकाणी शिकला. अरोरा यांनी २०१६ मध्ये सॉफ्टबँक सोडली. कारण सीईओ मासायोशी सोन यांनी आपली निवृत्ती पुढे ढकलली होती.

8 / 8

२०१८ मध्ये अरोरा पालो अल्टो नेटवर्क्सचे सीईओ झाले. त्यावेळी कंपनीचं मूल्य १८ अब्ज डॉलर होते. त्यांच्या नेतृत्वाखाली ही कंपनी १०० अब्ज डॉलर्सपेक्षा अधिक मूल्यापर्यंत पोहोचली. क्लाऊड सिक्युरिटी आणि आर्टिफिशियल इंटेलिजन्सवर त्यांनी लक्ष केंद्रित केलं. अरोरा सांगतात की त्यांनी नवीन तंत्रज्ञान लवकर आत्मसात केलं. अंतर्गत वाढ होऊ न शकलेल्या कंपन्यांचं अधिग्रहण किंवा भागीदारी त्यांनी केली. नावीन्यपूर्णतेकडे त्यांनी लक्ष दिले. यामुळे पालो अल्टो नेटवर्क्स सायबर सुरक्षेत आघाडीवर आहे.