Post Office Scheme: दर महिन्याला होईल ₹६१,००० ची कमाई; जबरदस्त आहे ही सरकारी स्कीम, कोट्यधीशही बनवेल

1 / 8

Post Office Scheme: पोस्ट ऑफिस अंतर्गत अनेक सरकारी योजना सुरू आहेत, त्यापैकी एक म्हणजे पब्लिक प्रॉव्हिडंट फंड (PPF). ही एक अशी योजना आहे जी लोकांना कोट्यधीश बनवू शकते, परंतु त्यासाठी नियमित गुंतवणूक आवश्यक आहे. ही योजना बऱ्याच काळापासून आकर्षक व्याजदर देणारी आणि कर सवलती देणारी योजना आहे. चला या योजनेबद्दल आणि त्यात गुंतवणूक करून तुम्ही दरमहा मोठी रक्कम कशी कमवू शकता याबद्दल अधिक जाणून घेऊया.

2 / 8

पीपीएफ हा एक उत्तम गुंतवणूक पर्याय आहे. तुम्ही १५+५+५ गुंतवणूक धोरण वापरून २५ वर्षांमध्ये ₹१.०३ कोटींचा निधी जमा करू शकता. या रकमेवर मिळणारं व्याज दरमहा ₹६१,००० उत्पन्न देऊ शकते.

3 / 8

सार्वजनिक भविष्य निर्वाह निधी (PPF) वार्षिक ७.१% व्याजदर देतो. पीपीएफमध्ये गुंतवणूक केल्यास आयकर कायद्याच्या कलम ८०C अंतर्गत १.५ लाख रुपयांपर्यंत कर कपात देखील मिळू शकते, ज्यामुळे तुम्हाला कर कमी द्यावा लागू शकतो.

4 / 8

जर तुम्हाला तुमच्या निवृत्तीनंतर मोठी रक्कम हवी असेल, तर पीपीएफ (पब्लिक प्रॉव्हिडंट फंड) १५+५+५ ही योजना तुमच्यासाठी एक उत्तम योजना असू शकते. या योजनेचा किमान मॅच्युरिटी कालावधी १५ वर्षे आहे. जर तुम्ही पीपीएफमध्ये सलग १५ वर्षे गुंतवणूक केली आणि नंतर दोनदा पाच वर्षांसाठी वाढवली, तर तुम्ही २५ वर्षांत अंदाजे ₹१.०३ कोटींचा निधी उभारू शकता. या निधीमुळे तुम्हाला दरमहा अंदाजे ₹६१,००० कमाई होऊ शकते.

5 / 8

पहिल्या १५ वर्षांसाठी दरवर्षी ₹१.५ लाख (१५ x ₹१.५ लाख) जमा करून, तुम्ही ₹२२.५ लाख गुंतवाल. ७.१% व्याजदरानं, १५ वर्षांनी हा निधी ₹४०.६८ लाखांपर्यंत वाढतो, ज्यामुळे व्याजात ₹१८.१८ लाख मिळतात. जर तुम्ही ही रक्कम आणखी ५ वर्षे कोणतीही नवीन गुंतवणूक न करता सोडली तर २० वर्षांनी तुम्हाला ₹५७.३२ लाख जमा होतील आणि व्याजात ₹१६.६४ लाख मिळतील.

6 / 8

जर तुम्ही ही रक्कम आणखी ५ वर्षे ठेवली तर एकूण ₹८०.७७ लाख होईल, ज्यामध्ये तुमच्या बचतीतून ₹२३.४५ लाख येतील. परंतु, जर तुम्ही आणखी १० वर्षे दरवर्षी ₹१.५ लाख जोडत राहिलात तर एकूण रक्कम ₹१.०३ कोटी होईल.

7 / 8

२५ वर्षे पूर्ण केल्यानंतर, तुम्ही तुमच्या पीपीएफ खात्यात १.०३ कोटी रुपयांचा निधी जमू शकतो. या रकमेवर तुम्हाला दरवर्षी ७.१% व्याज मिळत राहील. दरवर्षी ७.१% व्याजदरानं, हे अंदाजे ७.३१ लाख रुपये होईल, म्हणजेच तुम्ही दरमहा अंदाजे ६०,९४१ रुपये कमवू शकता. महत्त्वाचं म्हणजे, तुमचा मूळ १.०३ कोटी रुपयांचा निधी तसाच राहील.

8 / 8

या सरकारी योजनेत कोणीही कधीही गुंतवणूक करू शकतो आणि भरीव रक्कम मिळवू शकतो. जर एखाद्या अल्पवयीन मुलाला गुंतवणूक करायची असेल तर ते त्यांच्या पालकांच्या मदतीनं ते करू शकतात. खातं उघडण्यासाठी आवश्यक असलेली किमान रक्कम ₹५०० आहे. यात संयुक्त खात्यांना परवानगी नाही; फक्त वैयक्तिक खात्यांना परवानगी आहे.