कोणताही नवा चित्रपट नाही, तरीही सर्वात श्रीमंत; जुही चावलानं कशी बनवली ₹४,६०० कोटींची संपत्ती

1 / 7

Juhi Chawla Net Worth 2025 : एकेकाळी बॉलिवूडमधील टॉप अभिनेत्री असलेली जुही चावला सध्या तिच्या संपत्तीमुळे चर्चेत आहे. तिनं बराच काळ कोणताही नवीन चित्रपट केलेला नसला तरी, तिची संपत्ती ₹४,६०० कोटींवर पोहोचली आहे. तिनं हे स्थान कसं मिळवलंय ते जाणून घेऊया.

2 / 7

दीपिका पदुकोण, प्रियांका चोप्रा आणि आलिया भट्ट सारखी मोठी नावं पडद्यावर राज्य करतात, परंतु हुरुन रिच लिस्ट २०२४ नुसार, भारतातील सर्वात श्रीमंत महिला अभिनेत्री जुही चावला आहे. गेल्या दोन वर्षांत एकही मोठा चित्रपट प्रदर्शित न होता, जुहीनं ४,६०० कोटी रुपयांची आश्चर्यकारक संपत्ती जमवली आहे. हे सर्व तिच्या धोरणात्मक गुंतवणुकीमुळे आणि उद्योजकतेमुळे शक्य झालंय. ती अन्य अभिनेत्रींपेक्षा फारच पुढे आहे.

3 / 7

मिस इंडिया ते बॉक्स ऑफिस क्वीन: जुही चावलाचा प्रवास १९८४ मध्ये मिस इंडियाचा किताब जिंकून सुरू झाला. त्यानंतर तिनं वयाच्या १९ व्या वर्षी 'सल्तनत' (१९८६) या चित्रपटातून अभिनय क्षेत्रात पदार्पण केलं. तिला खरी ओळख १९८८ मध्ये आमिर खानसोबत 'कयामत से कयामत तक' या चित्रपटातून मिळाली, ज्यासाठी तिला फिल्मफेअरचा सर्वोत्कृष्ट पदार्पणाचा पुरस्कार मिळाला. ९० च्या दशकात तिचं यश कायम राहिलं, ज्यात 'हम हैं राही प्यार के', 'येस बॉस', 'डर', 'इश्क', 'बोल राधा बोल' आणि 'फिर भी दिल है हिंदुस्तानी' सारखे हिट चित्रपट समाविष्ट आहेत. अलिकडच्या काळात तिचा स्क्रीन प्रेझेन्स कमी झाली असली तरी, बॉलिवूड आयकॉन म्हणून जुहीचं स्थान अजूनही मजबूत आहे.मिस इंडिया ते बॉक्स ऑफिस क्वीन: जुही चावलाचा प्रवास १९८४ मध्ये मिस इंडियाचा किताब जिंकून सुरू झाला. त्यानंतर तिनं वयाच्या १९ व्या वर्षी 'सल्तनत' (१९८६) या चित्रपटातून अभिनय क्षेत्रात पदार्पण केलं. तिला खरी ओळख १९८८ मध्ये आमिर खानसोबत 'कयामत से कयामत तक' या चित्रपटातून मिळाली, ज्यासाठी तिला फिल्मफेअरचा सर्वोत्कृष्ट पदार्पणाचा पुरस्कार मिळाला. ९० च्या दशकात तिचं यश कायम राहिलं, ज्यात 'हम हैं राही प्यार के', 'येस बॉस', 'डर', 'इश्क', 'बोल राधा बोल' आणि 'फिर भी दिल है हिंदुस्तानी' सारखे हिट चित्रपट समाविष्ट आहेत. अलिकडच्या काळात तिचा स्क्रीन प्रेझेन्स कमी झाली असली तरी, बॉलिवूड आयकॉन म्हणून जुहीचं स्थान अजूनही मजबूत आहे.

4 / 7

आयपीएल, रेड चिलीज आणि अब्जावधींची संपत्ती: अभिनेत्री ते बिझनेस पॉवरहाऊस असा जुही चावलाचा प्रवास मुख्यत्वे आयपीएल फ्रँचायझी कोलकाता नाईट रायडर्स (केकेआर) मधील तिच्या हिस्स्यामुळे आहे, जो तिने शाहरुख खान आणि पती जय मेहता यांच्यासोबत खरेदी केला होता. सुरुवातीला ही टीम ७५ मिलियन डॉलर्समध्ये (₹६२३ कोटी) खरेदी करण्यात आली होती आणि आता फोर्ब्सनुसार तिचं मूल्य १.१ अब्ज डॉलर्स (₹९,१३९ कोटी) आहे.

5 / 7

जुही रेड चिलीज ग्रुपची सह-संस्थापक देखील आहे, जी सिनेमाच्या प्रोडक्शनमध्ये योगदान देते. याशिवाय, तिच्या पतीच्या मेहता ग्रुपचा भाग असलेल्या सौराष्ट्र सिमेंट लिमिटेडमध्ये तिचा ०.०७% हिस्सा आहे, जो तिच्या आर्थिक पोर्टफोलिओमध्ये आणखी एक भर घालतो.

6 / 7

रिअल इस्टेट साम्राज्य आणि लक्झरीवरील प्रेम: चित्रपट आणि क्रिकेट व्यतिरिक्त, जुहीची संपत्ती तिच्या मोठ्या रिअल इस्टेट आणि हॉस्पिटॅलिटी व्यवसायातून देखील दिसून येते. तिचं कुटुंब मुंबईतील सर्वात श्रीमंत क्षेत्र असलेल्या मलबार हिल येथे एका आलिशान बहुमजली घरात राहतं. त्यांचा गुजरातमधील पोरबंदर येथे एक वडिलोपार्जित बंगला देखील आहे. जुही आणि जय मेहता यांचे मुंबईत गुस्तोसो (इटालियन) आणि रु डू लिबान (लेबनीज) अशी दोन हाय क्लास रेस्टॉरंट्स आहेत. तिच्या कार कलेक्शनमध्ये ₹३.३ कोटी किमतीची अ‍ॅस्टन मार्टिन रॅपिड, बीएमडब्ल्यू ७-सीरीज, मर्सिडीज-बेंझ एस-क्लास, जॅग्वार एक्सजे आणि पोर्श केयेन यांचा समावेश आहे.

7 / 7

ब्रँड क्वीन, सोशल मीडिया स्टार: जुही जाहिरात जगात एक लोकप्रिय चेहरा आहे. तिने मॅगी, पेप्सी, केलॉग्स, कुरकुरे, रूह अफजा, बोरोप्लस आणि केश किंग आयुर्वेदिक ऑइल सारख्या मोठ्या ब्रँड्ससाठी काम केलंय. जरी तिचं चित्रपटात येणं कमी असले तरी, तिची सोशल मीडियावर चांगली उपस्थिती आहे. विशेषतः इंस्टाग्रामवर जिथे तिचे २.२ मिलियन फॉलोअर्स आहेत. तिचा ग्रेसफुल प्रेझेन्स, टाईमलेस अपील आणि स्मार्ट गुंतवणूक यामुळे ती आजही चर्चेत असलेला चेहरा आहे.