LIC ची ‘ही’ स्कीम गुंतवणूकदारांना बनवेल कोट्यधीश!; ४ वर्षापर्यंत भरा प्रीमिअम, मिळतील १ कोटी

1 / 8

आजच्या काळात कोट्यधीश होणं हे केवळ स्वप्न नसून गरज बनली आहे. वाढती महागाई आणि जीवनशैली यांच्यामध्ये आता फक्त बचत करणं पुरेसं नाही, तर समजूतदारपणे गुंतवणूक करणं आवश्यक आहे. जर तुम्हाला भविष्यात तुमच्या उत्पन्नाचं मूल्य टिकवून ठेवायचं असेल, तर एलआयसीची जीवन शिरोमणी पॉलिसी हा एक उत्तम पर्याय असू शकतो. ही योजना केवळ सुरक्षाच देत नाही, तर उत्कृष्ट परतावाही सुनिश्चित करते.

2 / 8

एलआयसीची जीवन शिरोमणी पॉलिसी (Jeevan Shiromani Plan) ही एक नॉन-लिंक्ड, पारंपरिक बचत योजना आहे, ज्यात लाईफ कव्हरसोबतच उच्च परताव्याची हमी दिली जाते. ही योजना अशा लोकांसाठी आहे जे कमी वेळेत जास्त गुंतवणूक करून दीर्घकाळात एक मजबूत निधी तयार करू इच्छितात.

3 / 8

या योजनेत फक्त ४ वर्षांपर्यंत प्रीमियम भरावा लागतो. यानंतर, ठरलेल्या वेळेवर १ कोटी रुपयांचा खात्रीशीर परतावा मिळतो, तर कमाल विमा रकमेची कोणतीही मर्यादा नाही.

4 / 8

ही पॉलिसी तुम्ही १४, १६, १८ आणि २० वर्षांच्या कालावधीसाठी घेऊ शकता. कालावधी काहीही असो, प्रीमियम फक्त ४ वर्षांपर्यंतच भरावा लागतो.

5 / 8

या योजनेचा लाभ घेण्यासाठी पॉलिसीधारकांना दरमहा सुमारे ९४,००० रुपये जमा करावे लागतील. हा प्रीमियम तुम्ही दरमहा, तीन महिन्याला, सहा महिन्याला किंवा वार्षिक आधारावर जमा करू शकता.

6 / 8

ही योजना घेण्यासाठी पॉलिसीधारकाचे वय किमान १८ वर्षे असणं आवश्यक आहे. कमाल वयाबद्दल बोलायचं झाल्यास, १४ वर्षांच्या पॉलिसी टर्मसाठी कमाल वय ५५ वर्षे, १६ वर्षांच्या टर्मसाठी कमाल वय ५१ वर्षे, १८ वर्षांच्या पॉलिसीसाठी कमाल वय ४८ वर्षे आणि २० वर्षांच्या पॉलिसीसाठी कमाल वय ४५ वर्षे आहे.

7 / 8

एक वर्षाचा पूर्ण प्रीमियम जमा केल्यानंतर या पॉलिसीवर कर्ज सुविधा देखील मिळते. त्याचबरोबर यात डेथ बेनिफिटदेखील समाविष्ट आहेत, ज्यामुळे नॉमिनीला संपूर्ण विमा रक्कम आणि बोनस मिळतो. प्रीमियमवर कलम ८०सी आणि मॅच्युरिटीवर कलम १०डी अंतर्गत कर सूट देखील मिळते.

8 / 8

ही योजना उच्च उत्पन्न असलेल्या गुंतवणूकदारांसाठी आहे कारण प्रीमियमची रक्कम मोठी असते. जर तुम्ही वेळेवर प्रीमियम भरला नाही तर पॉलिसी लॅप्स होऊ शकते. गुंतवणूक करण्यापूर्वी तुमच्या एलआयसी एजंटकडून किंवा अधिकृत वेबसाइटवरून सर्व अटी आणि शर्ती नक्की वाचा.