जाणून घ्या, ‘पोस्ट ऑफिस’ची जबरदस्त योजना; गुंतवणूक करणाऱ्यांना मिळणार महिन्याला पैसे!

1 / 10

दिवसेंदिवस महागाई वाढत आहे. अशा परिस्थितीत, जर तुमच्या बचत खात्यात पैसे असतील तर त्याचे मूल्य दिवसेंदिवस कमी होत आहे. महागाईवर मात करण्यासाठी अनेक गुंतवणूकीचे पर्याय आहेत परंतु त्यात धोकाही असतो.

2 / 10

जर आपल्याला जोखीम न घेता दरमहा काही विशिष्ट रक्कम कमवायची असेल तर पोस्ट ऑफिसची ‘पोस्ट ऑफिस मासिक उत्पन्न योजना’ आपल्यासाठी फायदेशीर ठरते. चला मग, या योजनेबद्दल सर्व माहिती जाणून घेऊया

3 / 10

ही योजना सरकारच्या अखत्यारीत असल्याने विश्वासार्ह आहे. या योजनेतील जोखीम अत्यंत कमी आहे आणि येथे निश्चित मासिक उत्पन्न मिळते. यात जास्तीत जास्त साडेचार लाख (वैयक्तिक) आणि 9 लाख (सामायिक) जमा केले जाऊ शकतात. योजनेचा मुदतपूर्ती कालावधी ५ वर्षे आहे.

4 / 10

समजा, आदित्यने पोस्ट ऑफिस मासिक उत्पन्न योजनेत साडेचार लाख रुपयांची गुंतवणूक केली. तर या ठेवीच्या पैशांवर पोस्ट ऑफिस प्रत्येक महिन्यात आदित्यला २ हजार ८८८ रुपये देईल. पाच वर्षे पूर्ण झाल्यानंतर आदित्य त्याचे साडेचार लाख रुपये काढून घेऊ शकतात.

5 / 10

जर तुम्ही दरमहा तुमचे व्याज घेतले नाही तर ते प्रिन्सिपल रक्कमेत भरले जाईल आणि तुम्हाला संपूर्ण पैशांवर व्याज मिळेल. पाच वर्षे पूर्ण झाल्यानंतर आपण पुन्हा या योजनेत पैसे गुंतवू शकता.

6 / 10

जर तुम्हाला पाच वर्षांपूर्वीच पैशांची गरज असेल तर योजनेत तरतूदही करण्यात आली आहे. आपण १ वर्षापर्यंत पैसे काढू शकत नाही. १ वर्षापासून ३ वर्षांपर्यंत आपण संपूर्ण पैसे काढू शकता परंतु पेनल्टी पोस्ट ऑफिस म्हणून २ टक्के रक्कम कपात केली जाईल. तीन वर्ष ते पाच वर्षे या दरम्यान १ टक्के दंड आकारला जाईल

7 / 10

आपण आपल्या महिन्याची कमाई थेट पोस्ट ऑफिसमधून मिळवू शकता किंवा आपण आपल्या बचत खात्यात हस्तांतरित करू शकता. किंवा आपण पुन्हा ती रक्कम गुंतवू शकता.

8 / 10

पोमिस अर्थात या योजनेत खाते उघडण्यासाठी आपल्याला पोस्ट ऑफिसमध्ये जावे लागेल. तेथे आपल्याला एक फॉर्म तसेच ओळखपत्र, पत्ता पुरावा आणि दोन पासपोर्ट आकाराचे फोटो द्यावा लागेल.

9 / 10

१० वर्षांपेक्षा कमी वयाच्या अल्पवयीन मुलांची खाती देखील उघडता येतील. अल्पवयीन मुलांसाठी गुंतवणूकीची कमाल मर्यादा ३ लाख रुपये आहे.

10 / 10

यात जमा झालेल्या रकमेवर आणि तुम्हाला त्यातून मिळणारे व्याज याला कोणत्याही करात सूट मिळत नाही.जरी यात आपल्याला मिळालेल्या उत्पन्नात पोस्ट ऑफिस कोणत्याही प्रकारचे टीडीएस कपात करत नाही, परंतु आपल्याला मासिक मिळणारी व्याज वार्षिक एकूण करपात्र उत्पन्नामध्ये समाविष्ट आहे.