PPF अकाऊंट होल्डरचा अचानक मृत्यू झाल्यास कशी होईल सेटलमेंट? रक्कम मॅच्युअर होण्याची वाट पाहावी लागेल का?

1 / 8

PPF Settlement Rules: पब्लिक प्रॉव्हिडंट फंड (पीपीएफ) हा भारतातील बचतीचा सर्वात पसंतीचा आणि सुरक्षित मार्ग आहे. तो केवळ कर बचत करण्यास मदत करत नाही तर दीर्घकाळात चांगला परतावा देखील देतो.

2 / 8

परंतु जीवनाचा काहीही भरवसा नाही . अशा परिस्थितीत, जर पीपीएफ खातेधारकाचा अचानक मृत्यू झाला तर त्यात गुंतवलेल्या पैशाचं काय होईल. नॉमिनी असलेल्या व्यक्तीला किंवा कायदेशीर वारसाला जमा केलेले पैसे ताबडतोब मिळतात का, की मुदतपूर्तीपर्यंत वाट पहावी लागते? या प्रकरणात काय नियम आहेत ते जाणून घेऊया.

3 / 8

पीपीएफ खात्याचा लॉक-इन कालावधी १५ वर्षांचा असतो. सहसा, तुम्ही या योजनेतून संपूर्ण रक्कम मॅच्युरिटीपूर्वी काढू शकत नाही. परंतु काही विशिष्ट परिस्थितीत, खाते वेळेपूर्वी बंद करण्याची परवानगी आहे. खातेधारकाच्या मृत्यूच्या बाबतीतही, नॉमिनी केलेल्या व्यक्ती किंवा कायदेशीर वारसाला मॅच्युरिटीपर्यंत वाट पाहण्याची आवश्यकता नाही. अशा परिस्थितीत, ती व्यक्ती त्याचा ओळखपत्र दाखवून खात्यावर डेथ क्लेम करू शकते. दाव्यादरम्यान, त्याला खातेधारकाचे मृत्यु प्रमाणपत्र आवश्यक असतं.

4 / 8

पीपीएफ खातेधारकाच्या मृत्यूनंतर, नॉमिनीला पीपीएफ खाते उघडलेल्या पोस्ट ऑफिस किंवा बँकेत जावं लागेल आणि डेथ क्लेम फॉर्म (फॉर्म जी) भरावा लागेल आणि डेथ सर्टिफिकेटची कॉपी, पीपीएफ पासबुक, नॉमिनीच्या ओळखीचा पुरावा (आधार, पॅन, मतदार ओळखपत्र), कॅन्सल केलेला चेक, नामांकित व्यक्तीचा पत्ता पुरावा इत्यादी आवश्यक कागदपत्रे सादर करावी लागतील. यानंतर, नामांकित व्यक्तीला पीपीएफ खात्यात जमा केलेली रक्कम मिळेल आणि खातं बंद केलं जाईल.

5 / 8

जर नॉमिनी अल्पवयीन असेल, तर त्याच्या पालकाकडून दावा केला जाऊ शकतो. अशा परिस्थितीत, डेथ सर्टिफिकेटची प्रत, पीपीएफ पासबुक, पालकाची ओळख आणि पत्ता पुरावा, रद्द केलेला चेक, तसेच निधी अल्पवयीन व्यक्तीच्या फायद्यासाठी वापरला जाईल अशी घोषणा यासारखी कागदपत्रे आवश्यक असतील. सर्व कागदपत्रे सादर केल्यानंतर, बँक किंवा पोस्ट ऑफिस या कागदपत्रांची पडताळणी करेल.

6 / 8

सर्वकाही बरोबर असल्याचे आढळल्यानंतर, रक्कम नॉमिनीच्या बँक खात्यात हस्तांतरित केली जाईल. जर एकापेक्षा जास्त नॉमिनी असतील, तर पीपीएफ खातं उघडताना ठरवलेल्या टक्केवारीनुसार रक्कम त्यांच्यामध्ये विभागली जाईल. जर टक्केवारी निश्चित केली गेली नसेल, तर रक्कम सर्व नॉमिनींमध्ये समान प्रमाणात विभागली जाईल.

7 / 8

जर खातेधारकानं कोणलाही नॉमिनी केली नसेल, तर परिस्थिती थोडी गुंतागुंतीची होते, परंतु यावरही एक उपाय आहे. या प्रकरणात, रक्कम कायदेशीर वारसांकडे जाते. अशा परिस्थितीत, कायदेशीर वारसांना (जसं की पत्नी/पती, मुले, पालक) दावा करावा लागेल. अशा परिस्थितीत, खातेधारकाचं डेथ सर्टिफिकेट, पीपीएफ पासबुक, दावा करणाऱ्या सर्व कायदेशीर वारसांची ओळख आणि पत्ता पुरावा आवश्यक असेल. गरज पडल्यास, उत्तराधिकार प्रमाणपत्र (Succession Certificate) देखील मागितलं जाऊ शकतं.

8 / 8

खातेधारकाचा मृत्यू झाल्यास, नॉमिनी किंवा कायदेशीर वारसाला खात्यातील रक्कम कायम ठेवण्याची परवानगी दिली जात नाही. अशा परिस्थितीत, खातं बंद करावं लागतं. खातं बंद करताना, खातं बंद केल्याच्या महिन्याच्या आधीच्या संपूर्ण महिन्यासाठी पीपीएफवरील व्याज दिलं जाईल.