बँक कर्ज देत नाही? काळजी करू नका, पीएफमधूनही मिळतं लोन; कशी आहे प्रक्रिया?

1 / 6

सध्याच्या महागाईच्या काळात कधी पैशाची गरज लागेल सांगता येत नाही. बहुतांशी लोक बँका किंवा कोणत्याही वित्तीय संस्थेकडून कर्ज घेतात. पण, काही कारणाने कर्जाचे अर्ज फेटाळलेही जातात. अशा परिस्थितीत तुमच्याकडे आणखी एक पर्याय आहे. EPFO अर्थात कर्मचारी भविष्य निर्वाह निधी संघटना तुमच्या जमा असलेल्या PF वर कर्ज देते.

2 / 6

आज प्रत्येक कर्मचाऱ्याच्या पगारातील १२ टक्के रक्कम पीएफ म्हणून कापली जाते. हे पैसे पीएफ खात्यात जमा केले जातात. ही जमा केलेली रक्कम तुम्हाला निवृत्तीच्या वेळी आर्थिक सुरक्षा प्रदान करण्यात मदत करते. पण, यातूनच तुम्ही कर्ज देखील घेऊ शकता.

3 / 6

पीएफमधून कर्ज घेण्यासाठी तुमच्याकडे UAN (युनिव्हर्सल अकाउंट नंबर) असणे आवश्यक आहे. कर्जदार हा ईपीएफओचा सदस्य हवा. तसेच एखाद्या व्यक्तीने पैसे काढण्यासाठी आवश्यक पात्रता पूर्ण करणे आवश्यक आहे.

4 / 6

गरज भासल्यास कोणतीही व्यक्ती पीएफमधून जास्तीत जास्त ५० टक्के रक्कम काढू शकतो. यालाच EPFO ​​(कर्मचारी भविष्य निर्वाह निधी संघटना) EPF कर्ज म्हणतात. तुम्ही विशिष्ट परिस्थितीत EPF मधून पैसे काढू शकता. उदाहरणार्थ, आपत्कालीन परिस्थिती, घर खरेदी, लग्न आणि मुलाचे उच्च शिक्षण यासाठी पीएफमधून पैसे काढता येतात.

5 / 6

तुम्हाला पीएफ कर्जासाठी अर्ज करण्यासाठी सर्वप्रथम तुम्हाला EPFO ​​च्या अधिकृत वेबसाइटवर जावे लागेल. येथे UAN, पासवर्ड आणि कॅप्चा कोड टाकून लॉग इन करा. यानंतर तुम्ही Online Service>Claim(Form-31,19,10c) निवडा. येथे नाव, जन्मतारीख आणि बँक खाते तपशील यासारखी आवश्यक माहिती भरावी लागेल.

6 / 6

नंतर ड्रॉपडाउन मेनूमधून पैसे काढण्याचे कारण निवडा. यानंतर कागदपत्रे अपलोड करा, त्यानंतर नोंदणीकृत मोबाइल क्रमांक टाका. नंतर OTP व्हेरिफिकेशन झाल्यानंतर, तुमचा अर्ज सबमिट केला जाईल. अर्जाची पडताळणी होण्यास ७ ते १० दिवस लागतात, त्यानंतर पैसे खात्यात जमा केले जातील.