वडापाव, समोसा... आता वर्तमानपत्रात गुंडाळल्यास दुकान बंद? 'या' चुकीमुळे ७५ वर्षांची बेकरी झाली सील!

1 / 8

आपल्या देशात वडापाव, समोसे आणि मिठाईसारखे खाद्यपदार्थ वर्तमानपत्रात गुंडाळून देण्याची जुनी सवय आहे. पण, तुम्हाला माहीत आहे का, असे करणे तुम्हाला आणि दुकानदारालाही महागात पडू शकते?

2 / 8

होय, वर्तमानपत्रात अन्नपदार्थ गुंडाळून ग्राहकांना देण्यास सक्त मनाई आहे. असे करणाऱ्या दुकानदाराच्या दुकानाला कायमचे टाळे लागू शकते.

3 / 8

याचे ताजे उदाहरण मेघालयची राजधानी शिलाँगमध्ये दिसून आले आहे. तेथील प्रसिद्ध ७५ वर्षे जुनी 'आरबी स्टोअर' नावाची बेकरी अन्नपदार्थ वर्तमानपत्रात दिल्यामुळे बंद करण्यात आली आहे.

4 / 8

भारतीय अन्न सुरक्षा आणि मानक प्राधिकरणाने (FSSAI) ही कारवाई केली आहे. ही जुनी आणि आवडती बेकरी अचानक बंद करण्याच्या निर्णयामुळे स्थानिक ग्राहकांना धक्का बसला आहे.

5 / 8

अधिकाऱ्यांच्या मते, बेकरीमध्ये ब्रेड आणि केकसारखे खाद्यपदार्थ वर्तमानपत्रात गुंडाळून विकले जात होते, जे अन्न सुरक्षा नियमांचे स्पष्ट उल्लंघन आहे. FSSAI ने अलीकडील तपासणीत हे उघड केले.

6 / 8

याशिवाय, स्वच्छता आणि अन्न सुरक्षेशी संबंधित नियमांचे पालन न केल्याबद्दल इतर काही दुकानांनाही दंड ठोठावण्यात आला आहे. FSSAI ने गेल्या काही महिन्यांपासून राज्यभरात कठोर कारवाई वाढवली आहे.

7 / 8

वर्तमानपत्राची शाई आणि त्यात असलेली रसायने अन्नात मिसळू शकतात, ज्यामुळे आरोग्यास गंभीर धोका निर्माण होतो. गरम अन्न ठेवल्यावर हे विषारी घटक अन्नात मिसळतात.

8 / 8

यामुळे कर्करोगासारखे गंभीर आजार होण्याचा धोका असतो. अन्न सुरक्षा कायदा २००६ नुसार, असे केल्यास दंड, परवाना रद्द किंवा तुरुंगवास देखील होऊ शकतो.