आता आणखी सुरक्षित झाली मारुती Fronx; बेस व्हेरिएंटमध्येही मिळतील ६ एअरबॅग्ज...

1 / 5

मारुती सुझुकी इंडिया त्यांच्या सर्व कारमध्ये ६ एअरबॅग्ज देत आहे. गेल्या काही महिन्यांत कंपनीने अल्टो के१० आणि सेलेरियोसारख्या सर्वात स्वस्त कारमध्येही ६ एअरबॅग्ज देणे सुरू केले आहे. आता मारुतीच्या त्यांची लोकप्रिय कार Fronx मध्येही ६ एअरबॅग्ज देत आहे. या अपडेटनंतर कंपनीने या कारची एक्स-शोरुम किंमत ०.५ टक्क्यांनी वाढवली आहे.

2 / 5

मारुतीने २०२३ मध्ये आपली कॉम्पॅक्ट एसयूव्ही फ्रॉन्क्स लॉन्च केली होती. ही कार अनेक प्रीमियम सुरक्षा वैशिष्ट्यांसह सुसज्ज आहे. आता यात ६ एअरबॅग्जदेखील मिळणार आहेत. याशिवाय, कारमध्ये ३६० डिग्री सराउंड व्ह्यू कॅमेरा, इलेक्ट्रॉनिक स्टेबिलिटी प्रोग्राम (ESP), हिल होल्ड असिस्ट, रिव्हर्स पार्किंग सेन्सर आणि AECS (अ‍ॅडव्हान्स्ड इमर्जन्सी कॉल सिस्टम) सारखे आधुनिक फिचर्सदेखील मिळतात.

3 / 5

ही एसयूव्ही सुझुकीच्या टोटल इफेक्टिव्ह कंट्रोल टेक्नॉलॉजी (TECT) प्लॅटफॉर्मवर आधारित आहे. या कारची बॉडी उच्च शक्तीच्या स्टीलपासून बनलेली आहे. जपानी व्हर्जनमध्ये लेव्हल-२ ADAS आणि AWD (ऑल-व्हील ड्राइव्ह) सारखे अतिरिक्त फिचर मिळतात.

4 / 5

फ्रँक्स पेट्रोल आणि CNG पर्यायांमध्ये उपलब्ध आहे. यात दोन इंजिन पर्याय आहेत - पहिले, १.० लिटर टर्बो पेट्रोल इंजिन, जे ९९ bhp पॉवर आणि १४७.६ Nm टॉर्क निर्माण करते; दुसरे, १.२ लिटर नॅचरली एस्पिरेटेड पेट्रोल इंजिन, जे ८९ bhp पॉवर आणि ११३ Nm टॉर्क निर्माण करते.

5 / 5

CNG मोडमध्ये ही पॉवर ७६ bhp आणि ९८.५ Nm पर्यंत पॉवर देते. यात ५-स्पीड मॅन्युअल गिअरबॉक्स आणि ५-स्पीड AMT (ऑटोमेटेड मॅन्युअल ट्रान्समिशन) दोन्ही पर्याय उपलब्ध आहेत. CNG मोडमध्ये कारचे मायलेज २८.५१ किमी/किलो आहे, ज्यामुळे ती त्याच्या सेगमेंटमधील सर्वात किफायतशीर SUV बनते.