पाथरी ( परभणी ) : पाथरी पोलीस ठाण्यातील कर्मचारी रात्रीची पेट्रोलिंग करत असताना त्यांच्या शासकीय वाहनाला ( क्र एम एच 22 ए एम 9509 ला ) एका भरधाव वेगातील टेम्पोने ( क्र एम एच 22 ए ए 1301 ) पाठीमागून जोरदार धडक ( Drunk tempo driver hits police patroling jeep) दिल्याची घटना शुक्रवारी ११.४५ वाजेच्या दरम्यान पाथरी-मानवत रस्त्यावर मोतीबाग माझिदजवळ घडली. चालक दारूच्या नशेत टेम्पो भरधाव वेगात चालवत असल्याचे यावेळी आढळून आले.
या अपघातात वाहनातील कर्मचारी किरकोळ जखमी झाले असल्याची माहिती आहे. तर पोलिसांच्या वाहनाचे जवळपास १ लाख रुपयांचे नुकसान झाले आहे. याप्रकरणी पोलीस कर्मचारी आरआर आढाव यांच्या फिर्यादीवरून टेम्पो चालक भारत लक्ष्मण नाकाडे ( रा. तरोडा ता परभणी) याच्याविरुद्ध गुन्हा दाखल करण्यात आला आहे.